قازاقستاننىڭ سولتۇستىك وڭىرىندە سۋ تاسقىنى بولۋى ىقتيمال

استانا. قازاقپارات - قۇتقارۋشىلار بيىل كوكتەمدە سولتۇستىك قازاقستان وبلىسىن 2016 -جىلعى سۋ تاسقىنىنان دا ۇلكەن توپان سۋ باساتىنىن بولجاپ وتىر، دەپ حابارلايدى قازاقپارات.
None
None

قار بيىكتىگى مەن بيىل وڭىردە جاۋعان قاردىڭ كولەمى، ورتاشا جىلدىق كورسەتكىشپەن سالىستىرعاندا، نورمادان ەكى ەسەگە اسىپ كەتكەن.

ىلعال قورى قىزىلجار اۋدانىندا نورمادان %412 عا، ماعجان جۇمابايەۆ اۋدانىندا - %359 عا، تايىنشىدا - %295 عا اسىپ كەتكەن.

بىلتىر كوكتەمدە جەردىڭ بەتكى قاباتىنىڭ قاتۋى ەلدى مەكەندەردىڭ سۋ باسۋىنا اكەپ سوقتىرعان بولاتىن. بيىل جەردىڭ قاتۋى بىلتىرعى كورسەتكىشتەن 15-55 س م- گە اسىپ تۇسەدى.

سينوپتيكتەردىڭ بولجامىنشا، سولتۇستىك قازاقستان وبلىسىندا قاڭتار ايىندا سىبىردەن كەلگەن انتيتسيكلوننىڭ اسەرىنەن اۋا رايى -38 گرادۋسقا دەيىن سۋىتادى. ول كەزدە جەردىڭ قاباتى ودان بەتەر قاتا تۇسەدى.

ناۋرىزدىڭ ءۇشىنشى جارتىسىندا كۇن كۇرت جىلىپ، +8 گرادۋسقا دەيىن ىسيدى. قۇتقارۋشىلاردىڭ ايتۋىنشا، وندايدا قار تەز ەرىپ، تاسقىن سۋدىڭ پايدا بولۋىنا اسەر ەتەدى.

وبلىستاعى بارلىق اكۆاتوريا تولىپ تۇر جانە 20 دان استام ەلدى مەكەندى، تەمىرجول مەن تاس جولداردى شايىپ كەتۋ ءقاۋپىن تۋدىرىپ وتىر.

ت ج الدىن الۋ ءبولىمىنىڭ باستىعى اسحات باكىشيەۆتىڭ ايتۋىنشا، 2016 -جىلعى جانە بۇنىڭ الدىنداعى جاعدايلار ءجىتى زەرتتەلدى. ناتيجەسىندە وبلىستاعى 95 ەلدى مەكەندى توپان سۋ باسۋى ىقتيمال دەگەن بولجام جاسالدى. وندا 1,5 مىڭنان استام ءۇي مەن 4,7 مىڭ حالىق تۇرىپ جاتىر. سونىمەن قاتار جالپى ۇزىندىعى 50 شاقىرىم بولاتىن 153 اۆتوموبيل جانە تەمىرجول ۋچاسكەسى ءقاۋىپ ۇستىندە. سونداي-اق پەتروپاۆلدىڭ شەتىندەگى ءبىرقاتار اۋدانداردى سۋ باسۋى مۇمكىن.

«قازىرگى ۋاقىتتا وبلىستاعى سۋ تاسقىندارىن الدىن الۋعا باعىتتالعان شۇعىل شارالارعا ارنالعان قاراجات كولەمى 226 ميلليون تەڭگەنى قۇرايدى»، - دەيدى اسحات باكىشەۆ.

وڭىردە 70 ەلدى مەكەندى قورعاۋ بويىنشا ينجەنەرلىك شارالار اياقتالدى، جول- كولىك ينفراقۇرىلىمدارى مەن گيدروتەحنيكالىق قۇرىلعىلار سالىندى. بەكىتىلگەن جوسپار بويىنشا، سۋ تاسقىنىنان زارداپ شەگۋى ىقتيمال ەلدى مەكەن تۇرعىندارىن ەۆاكۋاتسيالاۋ كوزدەلگەن.

ايتا كەتەيىك، بىلتىر 30 جىلدا ەڭ ءىرى سۋ تاسقىنى ورىن العان بولاتىن. وبلىستا 400 دەن استام ءۇي مەن 35 ەلدى مەكەن سۋدىڭ استىندا قالدى. تاسقىن سۋدىڭ زارداپتارىن جويۋ ءۇشىن ق ر ۇكىمەتىنىڭ قورىنان 1,3 ميلليوارد تەڭگە بولىنگەن.

سوڭعى جاڭالىقتار