گولليۆۋدتىڭ ەكى فيلمى قازاق تىلىندە جارىق كورەدى

 استانا. قازاقپارت - Marvel مەن Disney, Pixar- ءدىڭ قازاقستاندىق كورەرمەندەرى بيىلعى جىلى «گالاكتيكا ساقشىلارى. 2- ءبولىم»  فيلمى مەن «كولىكتەر 3» مۋلتفيلمىن قازاق تىلىندە كورە الادى.
None
None

 Marvel Comics اتتى كوميكستار باسپاسىنىڭ توپتاماسىنا نەگىزدەلىپ تۇسىرىلگەن، فانتاستيكالىق اتىس- شابىس، كومەديالىق بلوگباستەرى، Marvel كينەماتوگرافياسىنىڭ ون بەسىنشى، ال 2017 -جىلى قازاق تىلىنە دۋبلياجدالعان ەكىنشى كينوكارتينا بولىپ وتىر. باستى رولدەردى كريس پرەتت، زوي سالدانا، دەيۆ باتيستا، ۆين ديزەل جانە برەدلي كۋپەر، كارەن گيللان، كۋرت راسسەل سومدادى. سونداي- اق، فيلمدە پوم كلەمەنتەفف، سيلۆەستر ستاللونە مەن ەليزابەت دەبيكي سىندى جۇلدىزدار وينايدى. فيلمنەن قانداي ەپيزودتار كورۋگە بولادى؟

 كەيىپكەرلەر -  جەر تۇرعىنى پيتەر كۆيلل (جۇلدىزدى لورد) ، تۇيىق دراكس تالقانداۋشى، جالدامالى جەندەت گامورا، گۋمانويد اعاش گرۋت پەن سويلەيتىن جانات بۇرىنعى قالىپتارىنان تايماعان.

 بۇل فيلمدە دە تاڭعاجايىپ شىتىرمان وقيعالارعا تاپ بولىپ، اينالاسىنداعىلارعا زيانىن تيگىزبەي (ءتىپتى جاعدايدى ءوز پايدالالارىنا جاراتىپ) امان- ساۋ قۇتىلىپ شىعادى. وسى جولى جۇلدىزدى لوردتىڭ تۋعان اكەسى كىم ەكەندىگىن بىلە الاسىزدار. وسىعان دەيىن «گالاكتيكا ساقشىلارى» فيلمى دە قازاق تىلىنە اۋدارىلعان بولاتىن. ۇستىمىزدەگى جىلى 4 - مامىردا فيلمنىڭ قازاق تىلىندەگى نۇسقاسى جارىق كورەدى. وسى جولى گالاكتيكا كەيىپكەرلەرىن قانداي قازاق اكتەرلەرى دىبىستاعانىن سول كەزدە بىلەتىن بولامىز.

ال بالالارعا قانداي بازارلىق بولار ەكەن؟


بيىل 15 - ماۋسىمدا Disney جانە Pixar ستۋديالارى جارىس الاڭىنىڭ اڭىزى -  نايزاعاي ماككۋيندى ءسۇيىپ كورەتىن كورەرمەندەرگە، جاڭا، شاپشاڭ ءارى شىتىرمان وقيعاعا تولى «كولىكتەر 3» مۋلتفيلمىن ۇسىنادى. «كولىكتەر 3» -  Walt Disney جانە Pixar ستۋدياسىنىڭ، قازاق تىلىنە دۋبلياجدالعان، كومەديالىق انيماتسيا فرانشيزاسىنىڭ ءۇشىنشى ءبولىمى. ادام تارىزدەس كولىكتەردىڭ شىتىرمان وقيعاسى، سول باياعى عاجايىپ جىلدامدىقتا ءوربيدى. جارىسكەر نايزاعاي مەن ونىڭ دوستارىن الدا جاڭا سىناقتار مەن زۇلىم قارسىلاستار، جاڭا جەڭىستەر كۇتىپ تۇر. 2011 -جىلى «كولىكتەر 2» مۋلتفيلمى قازاق تىلىنە دۋبلياجدالعان گولليۆۋدتىق كينوكارتينالاردىڭ العاشقى جوباسى. بۇل جوبانى «بولاشاق» كورپوراتيۆتىك قورى مەن «Marwin» كومپانياسى قولداپ، جۇزەگە اسىرىپ وتىر.

Massaget.kz

 

سوڭعى جاڭالىقتار