14:50, 17 - قاڭتار 2017 | GMT +5
شىعىس قازاقستان وبلىسىنداعى سىناق الاڭىندا جابايى جانۋارلار كوبەيدى
استانا. قازاقپارات - شىعىس قازاقستان وبلىسىنداعى بۇرىنعى سەمەي يادرولىق سىناق الاڭى اۋماعىندا جابايى جانۋارلار كوبەيە باستادى. وتكەن جىلى عالىمدار دەگەلەڭ تاۋىنان قىزىل كىتاپقا ەنگەن ارقارلار توبىن بايقاعان.

اتوم سالدارىنان بۇلىنگەن كولدەردە بۇگىندە بالىقتار پايدا بولعان. ەلىمىزدەگى ۇلتتىق يادرولىق ورتالىق ماماندارى بۇرىنعى پوليگون اۋماعىندا جابايى جانۋارلاردىڭ كوبەيۋىنىڭ سەبەبىن ءتۇسىندىردى.
ەرلان باتىربەكوۆ، ق ر ۇ ي ا و باس ديرەكتورى:
- مۇمكىن ول جەردە ءومىر ءسۇرۋ قولايلى بولا باستاعان شىعار. ءبىز دەگەلەڭ اۋماعىنا ارنايى قورعان ورناتتىق. وندا قورعانىستىڭ ءۇش دەڭگەيى قاراستىرىلعاندىقتان، قازىر ەشكىم بارا بەرمەيدى. سوندىقتان، جابايى جانۋارلار ءۇشىن ول ايماق قولايلى، ءارى قاۋىپسىز بولعان شىعار.
www.24.kz