قىرعىزستاندا ۇشاق اپاتى ورنىندا ىزدەستىرۋ جۇمىستارى قايتا جاڭعىردى

استانا. قازاقپارات - قىرعىزستاندا Boeing 747-400 جۇك ۇشاعى قۇلاعان ورىندا ىزدەستىرۋ جۇمىستارى قايتا جاڭعىردى، دەپ جازدى ر ب ك.
None
None

جاقىندا، 16 - قاڭتار كۇنى بىشكەكتىڭ ماناس اۋەجايىنا جاقىن داچا- سۋۋ اۋىلىندا گونكونگتەن تۇركياعا بەت العان جۇك ۇشاعى قۇلادى. سەيسەنبى كۇنى اپات ورنىنا حالىقارالىق اۆياتسيا كوميتەتىنىڭ ماماندارى كەلەدى دەپ كۇتىلۋدە.

 ولار «ۇشاقتىڭ ارتقى بولىگى مەن فيۋزەلياج بولىكتەرى جاتقان ورىندى تەكسەرەدى»، - دەدى «ينتەرفاكس» اگەنتتىگىنە اپات سەبەپتەرىن انىقتايتىن ۇكىمەت شتابىنىڭ وكىلى. سونداي- اق، تەكسەرۋگە ۇشاق تيەسىلى بولعان تۇركيالىق ACT Airlines كومپانياسىنىڭ وكىلدەرى دە قاتىسادى. قۇلاعان ورىن زەرتتەلگەن سوڭ، ءۇي توبەلەرىن جاۋىپ قالعان سىنىقتاردى الادى، ونىڭ استىندا دا مايىتتەر جاتۋى مۇمكىن. «ازىرگە كوز جۇمعان 32 ادام مەن تابىلعان 9 فراگمەنت تۋرالى ايتىپ وتىرمىز»، - دەدى اگەنتتىككە سۇحبات بەرۋشى.

 قىرعىزستان دەنساۋلىق ساقتاۋ مينيسترلىگى 36 ادامنىڭ مەرت بولعانىن، 32 ادامنىڭ اتى- ءجونى انىقتالعانىن حابارلادى. قۇربان بولعان 32 ادامنىڭ تورتەۋى - تۇرىك ۇشاعىنىڭ ەكيپاجى جانە 28 ادام- قىرعىزستان ازاماتتارى. ۇشاق گونكونگتەن ىستانبۇلعا بەت العان، اپات سالدارىنان ەلدى مەكەندە 32 ءۇي قيراعان. الدىن الا بولجام بويىنشا، اۋە اپاتى «ۇشقىشتىڭ قاتەلىگىنەن» بولعان.

سوڭعى جاڭالىقتار