ۇكىمەتتىڭ ءماجىلىس زالى كينوتەاترعا اينالدى

استانا. قازاقپارات - ۇكىمەتتىڭ بۇگىنگى وتىرىسىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى وتاندىق كينەماتوگرافيا سالاسىندا اتقارىلعان جۇمىس بويىنشا ەسەپ بەردى.
None
None

 جارتى ساعاتتىڭ ىشىندە مينيستر ونداعان فيلمنىڭ ترەيلەرىن كورسەتىپ ۇلگەردى، دەپ حابارلايدى قازاقپارات ءتىلشىسى.

 مۇحامەدي ۇلىنىڭ سوزىنە قاراعاندا، بۇگىنگى كينوپروكاتتا وتاندىق فيلمدەردىڭ ۇلەسى 6 پايىزدى قۇراپ وتىر. ال كينوتەاترلاردا جينالاتىن قارجىنىڭ جالپى كولەمى 10 ميلليارد تەڭگەنى قۇراسا، اتالعان قاراجاتتىڭ 7 پايىزى قازاقستاندىق فيلمدەرگە تيەسىلى.

«سوڭعى ءۇش جىلدىڭ ىشىندە مينيسترلىكتىڭ قولداۋىمەن 100-گە جۋىق ۇلتتىق فيلمدەر ءتۇسىرىلدى. بۇگىندە 40-تان استام فيلم ءتۇسىرىلىپ جاتىر»، - دەيدى مينيستر.

ونىڭ ايتۋىنشا، قازىرگى كەزدە كوپتەگەن مەملەكەتتەر ءوز كينولارىن الەمدىك نارىقتارعا شىعارۋ ارقىلى ۇلتتىڭ مادەنيەتىن، تاريحىن جانە سالت- ءداستۇرىن كەڭىنەن ناسيحاتتاپ جاتادى. ءتۇپتىڭ تۇبىندە مەملەكەتتىڭ حالىقارىلىق دارەجەدە اتاق- ابىرويى كوتەرىلەدى. وسى ورايدا مينيستر رەسەي فەدەراتسياسىمەن بىرلەسىپ تۇسىرىلگەن «28 پانفيلوۆشىلار» فيلمىن ەكشە اتاپ ءوتتى.

اتالعان كارتينا وتكەن جىلدىڭ ۇزدىك فيلمى رەتىندە تانىلىپ، ءتۇسىرۋ جۇمىستارىنا جۇمسالعان شىعىندى تولىعىمەن اقتاپ شىقتى. باۋىرجان مومىش ۇلىنىڭ سوزىمەن باستالاتىن فيلمدە ەكى مەرگەن قازاق ازاماتىنىڭ مايدانداعى ەرلىگى جان- جاقتى كورسەتىلگەن. پروكات قۇقىعىن گوليۆۋدتىق «Universal» ساتىپ الدى. وسى ۋاقىتقا دەيىن ونى ەۋروپا مەن كانادادا كورسەتتى. الداعى ۋاقىتتا جاپونيا، كورەيا،  ۇلى بريتانيا مەن فرانسيادا پروكاتقا شىعارۋ جوسپارلانىپ وتىر.

 بۇدان بولەك، «ماركو پولونىڭ جىبەك جولى»، «امىرە» جانە تاعى باسقا حالىقارالىق جوبالار بار. «كوشباسشىنىڭ جولى» اتتى فيلم دە رەسەي، قىتاي، فرانسيا، گونكونگ پەن گرەتسيادا كورسەتىلدى. الداعى ۋاقىتتا اتالعان فيلم حالىقارالىق اۋە رەيستەرىندە كورسەتىلەدى.

«ءبىز قازاقتىڭ ءبىرتۋار ازاماتتارى ارقىلى حالقىمىزدىڭ ۇلتتىق بولىمىسىن، مادەنيەتىن جانە سالت- ءداستۇرىن الەم ەلدەرىنە پاش ەتۋىمىز كەرەك. شەتەلدىك كورەرمەن دە سوعان قاتتى قىزىعادى»، - دەيدى مۇحامەدي ۇلى. مينيستر ىشكى پروكاتتاعى ۇزدىك فيلمدەردى دە ەرەكشە اتاپ ءوتتى. سولاردىڭ ىشىندە «اناعا اپارار جول»، «قۇنانباي»، «امانات»، «الماس قىلىش»، «قازاق ەلى» سياقتى كوركەم جانە انيماتسيالىق فيلمدەر بار.

 اۆتور: ارمان اسقاروۆ

سوڭعى جاڭالىقتار