ەرنار ايدار: ءسىز بەن ءبىز جەر بەتىنە كەلىپ- كەتەتىن قوناقپىز
سوڭعى كەزدە ەرنار ايداردىڭ دەنساۋلىعى سىر بەرىپ ءجۇر. بۇعان بىرنەشە كۇن بۇرىن جەلىگە جۇكتەگەن سۋرەتتەرى دالەل. بەتپەردە كيىپ، ءتۇرلى ەم قابىلداپ جاتىر ەكەن.
«اسسالاۋماعالايكۋم بارلىعىڭىزعا. اۋىرماڭىزدار! مەنەن تىلەك سول بولسىن. مەن ەندى جاقسى بولىپ قالعاندايمىن»، - دەيدى ول. بۇدان كەيىنگى جازباسىن دا «تاعى ءبىر تىلەك ايتايىن، اۋىرماڭىزدار»، - دەپ قىسقا قايىرعان. جەلى قولدانۋشىلارى ءوز كەزەكتەرىندە ونىڭ دەنساۋلىعى ءۇشىن الاڭدايتىنىن جەتكىزدى. اق تىلەكتەرىن ءبىلدىرىپ، تەز جازىلىپ كەتۋىن تىلەدى. مۇنىمەن قاتار، ولارعا ءانشىنىڭ تومەندەگى جازباسىنىڭ مازمۇنى ۇناپ قالدى.
«دۋبايدىڭ ءبىر تۇنەپ شىعۋى 20 مىڭ دوللار تۇراتىن بەس جۇلدىزدى قوناق ۇيلەرى بار. قانشا ادامدار سوعان قول جەتپەگەنى ءۇشىن تاعدىرىنا نالىپ، ءومىرىن وكپەلەۋمەن وتكىزىپ جاتىر. ءسىز بەن ءبىز جەر بەتىنە كەلىپ- كەتەتىن قوناقپىز. ال «جەر» اتتى پلانەتا بارلىعىمىزعا ورتاق ءۇيىمىز. ەندى اسپانعا قاراڭىز. قانشا جۇلدىزدى قوناق ۇيدە تۇرىپ جاتىرسىز؟ اللا ءسىز بەن بىزدەن ول ءۇشىن اقى سۇراپ تۇرعان جوق. سوندا دا شۇكىر ەتپەيمىز- اۋ»، - دەيدى ەرنار ايدار.
جەلى قولدانۋشىلارى ءوز كەزەكتەرىندە بۇل جازبانى قوشتاي ءتۇستى. «وتە دۇرىس ايتاسىڭ، ەرنارجان»، «دۇرىس ايتىلعان ءسوز. قىدىرعانشا جەتىم- جەسىرلەرگە كومەكتەسپەيمىز بە؟ »، «اقىلىڭنان اينالايىن. مىڭ جاسا!»، «اللاعا سانسىز شۇكىر»، «ەرنار، جاقسى ايتتىڭىز. تاۋبە دەۋ كەرەك وسى بارشىلىققا»، «شۇكىر ەتەمىز، ارينە. اللاعا سانسىز ماداق. اللا ۇلىق» دەپ جازادى جەلى قولدانۋشىلارى.
