باتىرلار ارالاس جەكپە-جەكتە باعىن سىنادى

اتىراۋ. قازاقپارات - اتىراۋ قالاسىندا ارالاس جەكپە- جەكتەن ەرەسەكتەر اراسىندا وبلىستىق تۋرنير ءوتتى، - دەپ حابارلايدى «قازاقپارات» ح ا ا ءتىلشىسى.
None
None

سپورتشىلار اراسىندا تاجىريبە الماسۋ ماقساتىندا ۇيىمداستىرىلعان باسەكەگە اتىراۋ قالاسىنداعى سپورت كلۋبتارى مەن جىلىوي، قۇرمانعازى، يندەر اۋداندارىنان 80 استام سپورتشى قاتىستى. ولار ون ءتۇرلى سالماق دارەجەسى بويىنشا سىنعا ءتۇسىپ، اقتىق باسەكەگە وتكەن جيىرما سپورتشى قازاقستان چەمپيوناتىنا جولداما الدى. ەندى ولار 24-27 -اقپان كۇندەرى اتىراۋ قالاسىندا وتەتىن ارالاس جەكپە- جەكتەن قازاقستان چەمپيوناتىندا اتىراۋدىڭ نامىسىن قورعايتىن بولادى.

- جەكپە- جەك - باتىر بابالارىمىزدىڭ ەجەلگى سپورتى. ول - تاريحقا قۇرمەت، دوسقا ادالدىق، قارسىلاسقا ادىلدىكتىڭ بەلگىسىن كورسەتەدى. قازىر ارالاس جەكپە-جەكتىڭ ارنايى ەرەجەسى بار. بۇل سپورت تۇرىنە بالالاردى 7 جاستان باستاپ باۋليمىز. ولاردى رۋحاني تاربيەلەۋىمىز قاجەت. ءقازىر شىبىق تيمەس شىڭق ەتەرلەر كوبەيىپ كەتتى. ءتۇرتىپ كەتسەڭ قۇلاي كەتەدى. كەشەگى بابالارىمىز قايسارلىعىن جەكپە-جەكتە دالەلدەگەن. بۇل جىگىتتەر دە سەگىز بۇرىشتا ءبىر- بىرىمەن توبەلەسكەنىمەن سىرتقا شىقسا ايىرىلماس دوس. مىنە، رۋحاني تاربيەنىڭ ەڭ ماڭىزدىسى وسىندا، - دەيدى اتىراۋعا ارنايى كەلگەن ارالاس جەكپە-جەك ۇلتتىق فەدەراتسياسىنىڭ ديرەكتورى ەرنازار الىمبەتوۆ.

 

 

  

سوڭعى جاڭالىقتار