ق ر پرەزيدەنتى مەن ءابۋ-ءدابيدىڭ تاق مۇراگەرى وقۋشىلارعا سىيلىق تابىستادى

ءابۋ-دابي. قازاقپارات - ءابۋ-دابيدەگى دۇنيەجۇزىلىك «بولاشاقتىڭ ەنەرگياسى» سامميتىندە (World Future Energy Summit «Zyed Future Energy Prize» حالىقارالىق سىيلىعىن سالتاناتتى تۇردە تابىستاۋ ءراسىمى ءوتتى، دەپ حابارلايدى قازاقپارات.
None
None

سىيلىق 2008 -جىلى تاعايىندالدى جانە دۇنيەجۇزىلىك «بولاشاقتىڭ ەنەرگياسى» سامميتىندە، ءابۋ-ءدابيدىڭ تۇراقتى دامۋ اپتاسى اياسىندا تابىستالادى. وندا «ءىرى كومپانيا»؛ «شاعىن جانە ورتا كاسىپورىندار»؛ «كوممەرتسيالىق ەمەس ۇيىمدار»؛ «جاھاندىق وقۋ ورنى» اتالىمدارى قامتىلعان.

اتاپ ايتقاندا، «جاھاندىق وقۋ ورنى» اتالىمىندا 500 مىڭ ا ق ش دوللارى سوماسىنداعى ماراپاتتى ۇيىمداستىرۋشىلار 5 ءوڭىر اراسىندا (سولتۇستىك جانە وڭتۇستىك امەريكا، ەۋروپا، ازيا، افريكا) بولەدى. وسى رەتتە جەڭىمپاز دەپ تانىلعان ءبىر ورتا مەكتەپ 100 مىڭ دوللارعا ىنتالاندىرىلادى.

شارا بارىسىندا نۇرسۇلتان نازاربايەۆ پەن امىرلىكتىڭ تاق مۇراگەرى شەيح مۇحاممەد بەن زايد ءال ناحايان سىيلىقتاردى اۆستراليا Huanville Highschool) مەن يندونەزيا (Green Bali School) مەكتەپ وقۋشىلارىنا تاپسىردى. لاۋرەاتتار قورشاعان ورتانى قورعاۋ مەن جاڭاراتىن ەنەرگيانى دامىتۋعا قوسقان ۇلەستەرى ءۇشىن ماراپاتقا يە بولدى.

«Zayed Future Energy Prize» سىيلىعىنىڭ تۇجىرىمداماسى ەلدىڭ نەگىزىن سالۋشى شەيح زايد بەن سۇلتان ءال ناحاياننىڭ قورشاعان ورتانى قورعاۋ تۋرالى بازالىق تۇسىنىكتەرىنە نەگىزدەلگەن.

اۆتور: رۋسلان عابباسوۆ

سوڭعى جاڭالىقتار