حالىقتى «ايىپپۇل» دەگەن ءسوز قورقىتقان شىعار - ابايەۆ ۋاقىتشا تىركەۋ تۋرالى

استانا. قازاقپارات - اقپارات جانە كوممۋنيكاتسيالار ءمينيسترى داۋرەن ابايەۆتىڭ ايتۋىنشا، ۋاقىتشا تىركەۋگە قاتىستى حالىق اراسىنداعى اجيوتاج(دۇرلىكپە) «ايىپپۇل» دەگەن سوزبەن بايلانىستى بولۋى مۇمكىن.

ءمينيستردىڭ ايتۋىنشا، ءتيىستى زاڭ ازىرلەنگەن كەزدە جانە ونى قابىلدار كەزدە، اقپاراتتىق حابارلاندىرۋ بولعان، دەپ حابارلايدى قازاقپارات.

«زاڭ تالقىلانعان كەزدەگى جانە قابىلدانعان كەزدەگى اقپاراتتىق جۇمىستارعا توقتالساق، ءبىز ءى ءى م، ۇكىمەتتىك ەمەس ۇيىمداردى قوسا العاندا، كەرەك الاڭنىڭ ءبارىن جاسادىق. سىزدەرگە سول شارالاردىڭ ستەنوگرامماسىن دا ۇسىنا الامىن»، - دەدى د. ابايەۆ.

بۇل رەتتە اقپارات ءمينيسترى حالىق اراسىندا اقپاراتتىڭ ازدىعى ەمەس، «ايىپپۇل» دەگەن ءسوز اجيوتاج تۋدىرۋى مۇمكىن دەگەن ويىن ايتتى.

«حالىق اراسىندا دۇربەلەڭ تۋعانى باسقا سۇراق. بالكىم، حالىق «ايىپپۇل» دەگەن سوزگە كوپ نازار سالعان شىعار. بۇنى مويىنداۋ كەرەك. بالكىم، حالىق كورشىسىنىڭ «پوليتسيا كەلىپ، ايىپپۇل سالىپ كەتتى» دەگەن سوزىنە كوپ سەنەتىن شىعار»، - دەيدى د. ابايەۆ.

اۆتور: كەنجەكەي توقتامۇرات قىزى