بالاعا سمارتفوندى نەشە جاستا اپەرۋ قاجەت؟

استانا. قازاقپارات - ​عالىمدار بالالارعا سمارتفوندى قاي جاستا اپەرۋ كەرەكتىگىن تۇجىرىمدادى. ماماندار بۇنى انىقتاۋ ءۇشىن زەرتتەۋ جۇرگىزگەن.
None
None

ساراپشىلاردىڭ سوزىنشە بالاعا 8-10 جاسعا تولعانشا تەلەفون اپەرۋدىڭ قاجەتى جوق. بۇل جاستاعى ءبۇلدىرشىن گادجەتتىڭ پايداسىن دا، قۇنىن دا باعامدامايدى.

​ەڭ باستىسى، بالاعا ونىڭ پايدالى جاقتارىن كورسەتۋ. سەبەبى ءسابي ويىن ويناپ، كەرەكسىز قىزىعىنا بەرىلىپ، ساناسى ۋلانۋى مۇمكىن. ونىڭ الدىن الۋ ءۇشىن تەلەفونعا تەك كەرەكتى قوسىمشالاردى جازىپ، قالعان قوسىمشالارعا شەكتەۋ قويىپ تاستاۋ قاجەت. مىسال ءۇشىن شەتەل ءتىلىن جىلدام مەڭگەرۋگە كومەكتەسەتىن باعدارلامالاردى ورناتۋعا بولادى. ماماندار سمارتفونداردىڭ پايداسى مەن زيانىن جىكتەپ شىققان.

سونىمەن پايدالى جاقتارى:

زاماناۋي گادجەتتىڭ كومەگىمەن وقۋشى وزىنە قاجەتتى اقپاراتتى جىلدام تاۋىپ الادى. ۋاقىتىن ۇنەمدەپ، وقۋ پروتسەسىن تەزدەتەدى.

بالا ءوز بەتىنشە شەتەل ءتىلىن ۇيرەنە الادى. بۇل ءۇشىن ارنايى باعدارلامالار جەتكىلىكتى.

پلانشەتتىڭ كومەگىمەن بالانىڭ دامۋىنا ارنالعان قوسىمشالاردى جۇكتەپ الۋعا بولادى.

گادجەتتى قولدانۋ - بالانىڭ دەرەكتەردى جيناۋ، باقىلاۋ داعدىسىن قالىپتاستىرىپ، كورۋ جانە ەستۋ قابىلەتتەرىن ارتتىرادى. ءۇش جاسقا دەيىنگى بالاعا تەلەفوندى ءبىر ساعاتتان ارتىق بەرمەگەن ابزال. جانە جيىرما مينۋت سايىن كوزىن دەمالتىپ، ءۇزىلىس جاساپ وتىرۋ كەرەك. ءۇش جاستان اسقان بالاعا از- ازداپ ۋاقىت سوزۋعا بولادى. ءبىراق ءار 20-30 مينۋت سايىن ولارعا دا ءۇزىلىس كەرەك.

جاعىمسىز جاقتارى:

گادجەتتەردى ۇنەمى پايدالانۋ ارتىق سالماق قوسۋعا سەبەپ بولادى. سەبەبى بالا دالادا قۇلدىراڭداپ وينايتىن ۋاقىتىندا، ءبىر ورىندا تاپجىلماي وتىرادى.

ءبىر ورىندا ۇزاق وتىرۋ اياق پەن ىشكى اعزالارداعى قان اينالىمىن بۇزادى.

ۇنەمى گادجەتپەن ويناپ وتىراتىن بالالاردىڭ ومىرتقاسى قيسايادى.

گادجەت ەرتە جاستان بالانىڭ كورۋ قابىلەتىن ناشارلاتادى. ارتەريالىق قىسىمدى ارتتىرادى.

گادجەتتەردى پايدالانۋ ساۋساقتاردىڭ بۇلشىق ەت ءتىنىن السىرەتەدى. بالانىڭ ەكران بەتىندە ويناپ وتىرماي، قولىمەن سۋرەت سالعانى، ساۋساعىن قيمىلعا كەلتىرگەنى الدەقايدا پايدالى.

بالا جاتار الدىندا سمارتفونمەن ويناسا ۇيقىسى بۇزىلۋى مۇمكىن.

گادجەتتى ءجيى قولدانۋ بالانى تاۋەلدىلىككە تۇسىرەدى. اتا-انامەن قارىم-قاتىناس ازايىپ، بالانىڭ ادامدارمەن ارالاسۋعا دەگەن قىزىعۋشىلىعى جوعالادى.

 

دەرەككوز: http://yorick.kz

سوڭعى جاڭالىقتار