تەڭگەنىڭ تۇراقتىلىعىن مۇناي قالاي قامتاماسىز ەتەتىنى ءتۇسىندىرىلدى

«وتكەن اپتادا قازاقستاندىق تەڭگە ا ق ش دوللارىنا شاققانداعى اۋىتقۋشىلىعى وتە قارقىندى بولدى. بەس ساۋدا كۇنىنىڭ قورىتىندىسى بويىنشا، 13 -قاڭتارداعى قورىتىندىسىندا تەڭگە 0,5 پايىزعا تومەندەدى. ا ق ش دوللارىنىڭ دۇيسەنبى، 16 -قاڭتارداعى باعامى 333,02 تەڭگەنى قۇرادى. دوللار/تەڭگە جۇبىندا مۇناي نارىعىنداعى اۋىتقۋلاردىڭ اسەرىنەن ۆولاتيلدىلىك بايقالۋدا»، - دەپ اتاپ ءوتتى ول.
ونىڭ ءسوزى بويىنشا، الداعى اپتا دا تەڭگە ءۇشىن اسا بەلسەندى بولماق - ينۆەستورلار و پ ە ك ارنايى كوميتەتىنىڭ وتىرىسىن كۇتۋدە. جاڭالىقتاردىڭ قارساڭىندا، نارىققا ءتۇرلى قاۋەسەتتەر مەن بولجامدار اسەر ەتەدى. سولتۇستىك امەريكالىق Brent ماركالى مۇناي قۇنى دۇيسەنبىدە $55,42 (%0,05-) قۇرادى. قاڭتاردىڭ ءۇشىنشى اپتاسىندا شيكىزات باعاسى $54,45-56,50 ارالىعىندا بولادى، دەپ ەسەپتەيدى اننا بودروۆا.
«تەڭگە، وزگە دە شيكىزاتتىق ۆاليۋتا رەتىندە، ەنەرگوتاسىمالداعىشتاردىڭ قازىرگى قۇنىنا بايلانىستى جانە مۇناي ءوندىرۋشى مەملەكەتتەردىڭ قارا التىننىڭ تاۋلىكتىك ءوندىرىسىن تومەندەتۋگە قاتىستى كەلىسسوزدەرىنە وراي ءوزىن ءبىرشاما تۇراقتى سەزىنەدى. جاڭا اپتاعا قاتىستى بولجام دا تۇراقتى. دوللار 332-334 تەڭگە ارالىعىندا، ەۋرو 352,80-355,0 تەڭگە شەڭبەرىندە ساۋدالانادى دەپ بولجانۋدا»، - دەپ ءتۇيدى ءسوزىن ا. بودروۆا.
اۆتور: جاسۇلان جولدىبايەۆ