16:54, 16 - قاڭتار 2017 | GMT +5
قىرعىزستاندا قۇلاعان ۇشاقتىڭ «قارا جاشىگى» تابىلدى
بىشكەك. قازاقپارات - قىرعىزستاندا قۇلاعان ۇشاقتىڭ «قارا جاشىگى» تابىلدى، دەپ حابارلايدى قازاقپاراتتىڭ بىشكەكتەگى مەنشىكتى ءتىلشىسى.

«اپاتقا ۇشىراعان بوينگ-747-400 ۇشاعىنىڭ «قارا جاشىگى» قيراندىلاردىڭ استىنان الىندى. قازىرگى ۋاقىتتا بورتتاعى وزدىگىنەن جازاتىن قۇرال اۋە اپاتىنىڭ سەبەپتەرىن انىقتاۋ ماقساتىندا قۇرىلعان شتابقا جەتكىزىلدى»، - دەلىنگەن قىرعىزستان ت ج م-نىڭ باسپا ءسوز قىزمەتى.
ەسكە سالساق، 16 -قاڭتاردا ساعات تاڭعى 7.31 دە بىشكەكتىڭ داچا-سۋۋ اۋىلىندا اۋەجايعا جاقىن جەردە گونكونگتەن تۇركياعا بەت العان جۇك ۇشاعى قۇلادى. اۆيالاينەر «ماناس» اۋەجايىنان ماي قۇيۋدى جوسپارلاعان. اپات سالدارىنان 32 ادام قازا تاپقان. قىرعىزستان ۆيتسە- پرەمەر- ءمينيسترى مۋحاممەتقالىي ابۋلگازيەۆتىڭ باسشىلىعىمەن ارنايى شتاب قۇرىلدى. قىرعىزستاندا ەرتەڭ ازا تۇتۋ كۇنى بولىپ جاريالاندى.
اۆتور: جاسۇلان جولدىبايەۆ