ەرماحان يبرايىموۆ: ۋنيۆەرسيادا الماتى تۇرعىندارى ءۇشىن باي مۇرا قالدىرماق

- الداعى قىسقى ۋنيۆەرسياداعا قاتىستى ءۇمىتىم زور، - دەدى ەرماحان يبرايىموۆ.
- ءبىرىنشى كەزەكتە، وسى ويىندار قالامىزعا باي مۇرا قالدىرماق، جاڭادان سالىنعان سپورتتىق نىساندار الماتىلىقتاردىڭ يگىلىگىنە قىزمەت ەتەتىن بولادى. «الماتى- ارەنا» مۇز كەشەنىن مىسالعا الايىق، ول قالانىڭ كورىكتى ورنىنا اينالدى، جاس جۇبايلار وسىندا كەلىپ، سۋرەتكە ءتۇسىپ جاتقانىن كوردىم. وليمپيادا ويىندارىن نەمەسە ۋنيۆەرسيادانى وتكىزگەن قالانىڭ دامۋىندا ۇلكەن سەرپىن بايقالاتىنى بەلگىلى. ۋنيۆەرسيادا كەزىندە الماتىعا شەتەلدەن كوپتەگەن سپورتشىلار، جانكۇيەرلەر مەن تۋريستەر كەلمەك، قالامىز كوركەيىپ، جاقسى جاققا قاراي وزگەرەدى.
ەكىنشىدەن، ۋنيۆەرسيادا جەتەكشى قازاقستاندىق سپورتشىلار ءۇشىن ءوز پايداسىن تيگىزەدى، ويتكەنى ول 2018 -جىلعى قىسقى وليمپيادا ويىندارىنا دايىندىقتىڭ كەلەسى ءبىر كەزەڭىنە اينالماق. الماتىدا ۋنيۆەرسيادانى وتكىزگەن سوڭ، اتلەتتەرىمىزدىڭ قايسىسى وليمپيادادا مەدالدەرى ءۇشىن كۇرەسەتىنىن بىلەتىن بولامىز. ۇشىنشىدەن، ۋنيۆەرسيادا سەكىلدى اۋقىمدى ءىس- شارانى وتكىزۋ ارقاسىندا قالامىز قانداي باعىتتا دامۋ قاجەتتىگىن انىقتاي الادى.
- قىسقى ۋنيۆەرسيادا كەزىندە قانداي جارىستارعا باراتىنىڭىزدى شەشىپ قويدىڭىز با؟
- ەرلەر اراسىنداعى حوككەي جارىسىن كورگىم كەلەدى، مانەرلەپ سىرعاناۋشى دەنيس تەننىڭ جانكۇيەرلەرى قاتارىنان تابىلامىن. سونداي- اق، ترامپليننەن سەكىرۋ جانە بياتلون جارىستارىنا بارۋدى جوسپارلاپ وتىرمىن.
- سپورتپەن اينالىسىپ جۇرگەندە، جازعى ۋنيۆەرسيادالارعا قاتىسىپ كوردىڭىز بە؟
- وكىنىشكە قاراي، ونداي قۇرمەت باعىما بۇيىرمادى. مەن ءىرى جارىستاردىڭ بارلىعىنا قاتىستىم، الەم جانە ازيا چەمپيوناتتارىندا، ازيا جانە وليمپيادا ويىندارىندا ويىن كورسەتتىم، الايدا ۋنيۆەرسيادا مەنىڭ تىزىمىمدە بولعان جوق. نە سەبەپتى ولاي بولعانى تۇسىنىكتى: مەن ويىن كورسەتىپ جۇرگەن كەزىمدە، بوكس جازعى ۋنيۆەرسيادانىڭ جارىس باعدارلاماسىندا ەنگىزىلمەگەن بولاتىن، ونى جاقىندا عانا قوستى.