نازاربايەۆ يسپان ساۋلەتشىسى كالاتراۆامەن «استانا سپورت سيتي» قۇرىلىسىن تالقىلادى

مەملەكەت باسشىسى تانىمال ساۋلەتشىمەن استانادا جەكە كاپيتالدىڭ قاتىسۋىمەن جۇزەگە اسىرىلاتىن ءبىرقاتار ينفراقۇرىلىمدىق جوبانى، اتاپ ايتقاندا سۋلى جاسىل جەلەكتى جاڭعىرتۋ مەن «استانا سپورت سيتي» قۇرىلىسىن تالقىلادى.
تانىستىرۋ بارىسىندا كالاتراۆا «Calatrava Grace corporation» كومپانياسى قازىرگى ۋاقىتتا دۋبايدىڭ ەڭ كورىكتى عيماراتتارىنىڭ ءبىرى بولىپ وتىرعان 828 مەترلىك «بۋردج- حاليۆا» ءزاۋلىم عيماراتىنان دا بيىكتىگى اسىپ تۇسەتىن Dubai Creek Tower عيماراتىن سالىپ جاتقاندىعىن اتاپ ءوتتى.
سونداي-اق، قازاقستان پرەزيدەنتى ابۋ- دابي قالاسىندا «Calatrava Grace Corporation» كومپانياسىنىڭ اتقارۋشى ديرەكتورى مايكل كالاتراۆامەن دە كەزدەستى.
كەزدەسۋ بارىسىندا كومپانيانىڭ ءبىزدىڭ ەلىمىزبەن اراداعى ۇزاق مەرزىمگە ارنالعان ىنتىماقتاستىعىنىڭ پەرسپەكتيۆالارى تالقىلاندى. اتاپ ايتقاندا، مەملەكەت باسشىسىنا استانادا ىسكە اسىرۋ جوسپارلانىپ وتىرعان جوبالار تانىستىرىلدى.
«Calatrava Grace Corporation» كومپانياسى جىلجىمايتىن مۇلىك سالاسىنداعى جاھاندىق جوبالارعا ءوز كليەنتتەرىمەن بىرگە ءار ترانزاكسيا ءۇشىن 100 ميلليون دوللارعا دەيىن قارجى بولە الاتىن مۇمكىندىگى بار ينۆەستور بولىپ سانالادى. بۇگىندە كومپانيا پورتفوليوسى 32 ەلدەگى جالپى كولەمى 1,9 ميلليون شارشى مەتر بولاتىن 340 جوبانى قامتيدى.
اۆتور: مارلان جيەمباي