ا ق ش سەناتى ترامپ توڭىرەگىنىڭ رەسەيمەن بايلانىسىن تەكسەرمەك

سەنات كوميتەتىنىڭ جەتەكشىلەرى رەسپۋبليكالىق پارتيا وكىلى ريچارد بەرر جانە دەموكرات مارك ۋورنەردىڭ بىرلەسكەن مالىمدەمەسىندە كوميتەتتىڭ زەرتتەۋى بارىسىندا رەسەيدىڭ ا ق ش- تاعى 2016 -جىلعى پرەزيدەنت سايلاۋىنا قالاي ارالاسقانى دا تەكسەرىلەتىنى ايتىلعان.
كوميتەت جەتەكشىلەرى اسىرەسە ا ق ش پرەزيدەنتى سايلاۋىنا ىقپال ەتۋ ماقساتىمەن رەسەيلىك حاكەرلەردىڭ شابۋىلدارى جايلى «قاتتى الاڭداۋشىلىق» تۋدىرعان اقپاراتقا بايلانىستى ا ق ش- تاعى رەسەي بارلاۋىنىڭ كولەمىن انىقتاعىلارى كەلەتىنىن حابارلاعان.
سەنات كوميتەتى امەريكالىق بارلاۋ جانە قارسى بارلاۋ قىزمەتتەرىنىڭ مالىمەتتەرىن ەگجەي- تەگجەيلى زەرتتەپ، بارلاۋ قىزمەتكەرلەرىن جانە ا ق ش ارنايى قىزمەتى تەرگەۋىنە ىلىككەن ادامداردى تىڭداۋدى جوسپارلاپ وتىر.
سوڭعى كەزدە باتىستىڭ ءبىرقاتار باسپا ءسوز قۇرالدارى «كرەملدىڭ قولىندا ا ق ش- تىڭ جاڭادان سايلانعان پرەزيدەنتى دونالد ترامپقا قاتىستى كومپرومات بارى» تۋرالى بۇرىن بريتان بارلاۋ قىزمەتىنە جۇمىس ىستەگەن ادام ازىرلەگەن ەسەپتى جاريالاعاننان كەيىن ا ق ش- تاعى سايلاۋ پروتسەسىنە رەسەيدىڭ ارالاسۋى تاقىرىبىنا قوعام نازارى اۋعان. دونالد ترامپ جانە امەريكالىق كوپتەگەن ساراپشىلار ول «جالعان اقپارات» دەيدى.