استانادا «ءور تورعاي - ەرلىك مەكەنى» اتتى جاڭا كىتاپتىڭ تانىستىرىلىمى ءوتتى- فوتو

استانا. قازاقپارات - استاناداعى «Marriott» قوناق ۇيىندە جۋرناليست ابىلاي ماۋدانوۆتىڭ «ءور تورعاي - ەرلىك مەكەنى» اتتى جاڭا كىتابىنىڭ تانىستىرىلىمى ءوتتى، دەپ حابارلايدى قازاقپارات.
None
None

كىتاپ «ءور تورعاي- ەرلىك مەكەنى» اتتى ەكسپەديتسيانىڭ ءجۇرىپ وتكەن جولىن، وڭىردەگى تاريحي ەسكەرتكىشتەر جايلى قۇندى دەرەكتەردى، وسى بارىستاعى ەكسپەديتسيانىڭ اتقارعان ىستەرىن ارقاۋ ەتكەن.

«قازاقتىڭ ءور رۋحتى ولكەسىنىڭ ءبىرى - تورعاي دالاسى. وسى قاسيەتتى مەكەندە ەل تاريحىندا الار ورنى زور ءىرى وقيعالاردىڭ بولعانى بەلگىلى. سولاردىڭ ءبىرى 1916 -جىلعى حالىق كوتەرىلىسى. وتكەن جىلى وسى كوتەرىلىستىڭ 100 جىلدىعىنا وراي ۇيىمداستىرىلعان «ءور تورعاي - ەرلىك مەكەنى» ەكسپەديتسياسىنىڭ قۇرامىندا بولىپ، اقمولا- قاراعاندى- قوستاناي وبلىستارى اۋماعىنداعى 2500 شاقىرىم جولدى ءجۇرىپ ءوتتىم. مىنە، سول ماعىنالى، ءماندى ساپاردىڭ اسەرىمەن، كورگەن- تۇيگەنىمدى بايان ەتكەن جول جازبامدى وقىرمانمەن ءبولىسىپ وتىرمىن. بۇگىنگى جاس ۇرپاق ەل تاريحىن تەرەڭ تانىپ، قۇندى تاريحي ەسكەرتكىشتەرىمىز تۋرالى ءبىلىپ، باتىر بابالارىمىزدىڭ ءور رۋحىن ۇلگى ەتىپ وسسە دەپ ويلايمىن» - دەيدى كىتاپ اۆتورى ابىلاي ماۋدانوۆ.

اتالعان شاراعا تاريحي ەكسپەديتسيانىڭ ۇيىمداستىرۋشىلارى جومارت تۇبەكبايەۆ، مەيرام ايدابولوۆ، ءبىرجان مەشەلوۆ جانە تاريح عىلىمدارىنىڭ كانديداتى قۇرمانعالي داركەنوۆ، بەلگىلى ولكەتانۋشى، «بۇكىل الەمدىك شىڭعىسحان اكادەمياسىنىڭ» قۇرمەتتى اكادەميگى ءشوپتىباي بايدىلدين، بەلگىلى جۋرناليست انار تولەۋحان، ازامات ەسەنجول، اقىن سايلاۋ جىلقىبايەۆ قاتىسىپ قۇندى وي- پىكىرلەرىمەن ءبولىستى.

ەستەرىڭىزگە سالا كەتەيىك، وتكەن جىلدىڭ قىركۇيەك ايىندا، قۇرامىندا بەلگىلى عالىمدار مەن ولكەتانۋشىلار جانە جۋرناليستەر بار ارنايى توپ قاتىسقان «ءور تورعاي - ەرلىك مەكەنى» اتتى ەكسپەديتسيا ۇيىمداستىرىلعان بولاتىن. ەكسپەديتسيا وتكەن جىلدىڭ باستى مەرەكەسى - ەل تاۋەلسىزدىگىنىڭ 25 جىلدىعىمەن قاتار، تاريحىمىزدا ءوز ورنى بار ءىرى وقيعالاردىڭ ءبىرى - 1916 -جىلعى حالىق كوتەرىلىسىنە 100 جىل تولۋىنا ارنالعان. يدەيا باستاماشىسى ءارى ۇيىمداستىرۋشىسى - «Тorgay expedition» توبىنىڭ بەلسەندىلەرى. اپتاعا سوزىلعان ەكسپەديتسيا بارىسىندا ولار ەكى جارىم مىڭ شاقىرىم جولدى باسىپ ءوتىپ، تاريحي ماڭىزى زور وتىزدان استام نىسانعا بارعان. سونداي- اق، ءابدىعاپار حاننىڭ قانى توگىلگەن زاۋرە قوپاسى مەن كەيكى تۋعان بايتۇما قونىسىنا ارنايى ەسكەرتكىش بەلگى قويىلدى.

 اۆتور: باقىتجول كاكەش

Астанада «Өр Торғай - ерлік мекені» атты жаңа кітаптың таныстырылымы өтті

Астанада «Өр Торғай - ерлік мекені» атты жаңа кітаптың таныстырылымы өтті

Астанада «Өр Торғай - ерлік мекені» атты жаңа кітаптың таныстырылымы өтті

Астанада «Өр Торғай - ерлік мекені» атты жаңа кітаптың таныстырылымы өтті

سوڭعى جاڭالىقتار