بۇرىنعى مينيستىر جاقسىلىق دوسقاليەۆ جىل دارىگەرى اتاندى

«مەن ءۇشىن بۇل سىيلىق كۇتپەگەن جاعداي، ءتىپتى ءبىزدىڭ ەلدە مۇنداي سىيلىقتىڭ بارىن بىلمەپپىن. ءسوز جوق، بۇل مارتەبە ءبىزدىڭ قازاقستاندىقتار ەشقاشان اۋىرماۋى ءۇشىن، اۋىرسا دا جوعارى مەديتسينالىق كومەكتى الۋى ءۇشىن بىزدەن بۇدان دا ۇلكەن ەڭبەكتى تالاپ ەتەدى»، - دەدى ج. دوسقاليەۆ.
ءوز كەزەگىندە ق ر مادەنيەت جانە سپورت ءمينيسترى ارىستانبەك مۇحامەدي ۇلى شارا شارا ۇيىمداستىرۋشىلارىنىڭ ۇلكەن ەڭبەگىن باعالاپ ءوتتى. «بۇگىن وتە قىزىق شارا وتۋدە، حالىق اۋزىندا جۇرگەن اتپالداي ازاماتتارىمىز ماراپاتتالىپ جاتىر. ولاردىڭ بارلىعى قوعامعا تانىمال ادامدار. مەن سونىمەن قاتار عالىم بايتۇققا العىسىمدى بىلدىرەمىن، ونىڭ ءوزى دە حالىق سۇيىكتىسىنە اينالىپ ۇلگەردى. بارلىقتارىڭىزدى تاعى دا قۇتتىقتايمىن»، - دەدى مينيستر.
ۇيىمداستىرۋشىلاردىڭ اتاپ وتۋىنشە، سىيلىق 24 اتالىم بويىنشا بەرىلەدى. «جىل ۇستازى»، «جىل دارىگەرى»، «باتىل جۇرەك»، «جىل بلوگەرى»، «جىل پارلامەنتاريى»، «جىل بيزنەسى»، جانە تاعى باسقا. سىيلىق يەگەرلەرى حالىقتىڭ داۋىس بەرۋى ارقىلى انىقتالدى. رەسمي مالىمەتتەر بويىنشا، داۋىس بەرۋگە 300 مىڭنان استام قازاقستاندىق قاتىسقان.
اۆتور: جاسۇلان جولدىبايەۆ