استاناداعى «ابۋ-دابي پلازا» قوناق ءۇي كەشەنى اشىلاتىن ۋاقىتىن بەلگىلەدى

استانا. قازاقپارات - بۇگىن ق ر پرەمەر-ءمينيسترىنىڭ ءبىرىنشى ورىنباسارى اسقار مامين مەن استانا اكىمى اسەت يسەكەشيەۆ «ءابۋ- دابي پلازا» كوپفۋنكسيونالدىق كەشەنىنىڭ قۇرىلىس بارىسىمەن تانىستى.

نىساندى ارالاۋ كەزىندە قۇرىلىسشىلار ورىندالىپ جاتقان جۇمىستاردىڭ دەڭگەيى تۋرالى بايانداپ بەردى، دەپ حابارلايدى اكىمدىك سايتى. سونداي-اق، بىرنەشە نىساننىڭ اياقتالۋ مەرزىمدەرى تۋرالى ايتىلدى.

ەسكە سالا كەتسەك، «ەكسپو-2017» حالىقارالىق كورمەسىنە قارسى ون ءتورت قاباتتى قوناق ءۇي كەشەنى جانە ساۋدا ورتالىعى تاپسىرىلادى. ال جىل سوڭىنا دەيىن تاعى 3 عيمارات پايدالانۋعا بەرىلەدى.

ەسكە سالساق، «ءابۋ- دابي پلازا» كەشەنى ءتۇرلى ماقساتتاعى بلوكتاردان تۇرادى، ولاردىڭ بارلىعى بىرگە كوپفۋنكتسيونالدىق بيىك عيماراتتى قۇرايدى. اتاپ ايتقاندا، وندا كەڭسەلەر، قوناق ءۇي، تۇرعىن ءۇي كەشەنى بار. قۇرىلىستىڭ جالپى اۋدانى 500 مىڭ شارشى مەترگە جۋىق. نىساندا جۇمىس ىستەپ جاتقان ادام سانى - 5000، سونىڭ 3347 سى - جەرگىلىكتى ماماندار.