قازاقستاندا جەكە كاسىپكەر رەتىندە تىركەلۋ ءتارتىبى وزگەردى
2017 -جىلدىڭ قاڭتارىنان باستاپ جەكە كاسىپكەرلىكتى تىركەۋ ءۇشىن ءوتىنىش بەرۋ شارت ەمەس، ەسكەرتۋ جاساسا بولعانى، دەپ حابارلايدى قازاقپارات ق ر مەملەكەتتىك كىرىستەر كوميتەتىنە سىلتەمە جاساپ.
دەمەك، ەندى ازاماتتار جەكە كاسىپكەرلىك اشۋ ءۇشىن سالىق ورگانىنا ءوتىنىش بەرۋدىڭ ورنىنا بار بولعانى كاسىپكەرلىكپەن اينالىساتىنى تۋرالى ەسكەرتە سالادى. وسىلايشا ازاماتتار كاسىپكەرلىكپەن اينالىساتىنى تۋرالى ەسكەرتۋ جىبەرگەن ساتتەن باستاپ كاسىپكەر رەتىندە سانالا بەرەدى.
ەگەر جەكە كاسىپكەرلىكتى بىرنەشە ادام بىرىگىپ اشسا، وندا قۇزىرەتتى ادام بارلىق مۇشەلەر اتىنان سەنىمحات تاپسىرۋى ءتيىس.
ەسكەرتۋدى ەكى جولمەن جىبەرۋگە بولادى: ەلەكتروندى ق ر ەلەكتروندى ليتسەنزيالاۋ پورتالى ارقىلى نەمەسە مەملەكەتتىك كىرىس مەكەمەلەرىنە قۇجاتتى قاعاز كۇيىندە الىپ بارۋعا بولادى. ەكى جاعدايدا دا جەكە كاسىپكەرلىكتى تىركەۋ ۋاقىتى ءبىر كۇن.
ەسكەرتۋ جىبەرىلگەننەن كەيىن ازاماتقا كاسىپكەر بولعانى تۋرالى ەشقانداي دا قۇجات بەرىلمەيدى جانە الىم الىنبايدى.
