14:35, 14 - قاڭتار 2017 | GMT +5
ىستانبۇلدا كلۋبتاعى اتىسقا كۇدىكتىلەر ۇستالدى
استانا. قازاقپارات - ىستانبۇلدا پوليتسيا 2017 -جىلدىڭ 1 -قاڭتارى كۇنى تۇندە Reina كلۋبىندا وق جاۋدىرىپ، اتىس ۇيىمداستىرعانداردىڭ سىبايلاستارى دەپ كۇدىك كەلتىرىلگەن ەكى ادامدى ۇستادى.

Haberturk حابارلاعانداي، تۇتقىندالۋشىلار ىستانبۇل سوتىنا جەتكىزىلگەن.
ەسكە سالا كەتەيىك، تۇركيا مەگاپوليسىندەگى Reina تۇنگى كلۋبىنا شابۋىل جاڭا جىلدىڭ تۇنىندە جاسالدى. اۆتوماتپەن قارۋلانعان لاڭكەستەر كلۋبتى كۇزەتىپ تۇرعان پوليتسەيدى اتىپ، ونىڭ ىشىندە بولعان 700 ادامعا قارسى وق جاۋدىرا باستاعان. تۇركيا ءىىم دەرەگىنە سۇيەنسەك، 39 ادام قازا تاۋىپ، 70 تەن استامى جاراقات الدى. جاڭا جىل تۇنىندە ورىن العان وقيعادان 13 ەلدىڭ وكىلدەرى زارداپ شەكتى.