12:11, 14 - قاڭتار 2017 | GMT +5
قىزىلقيادا ۇلى ماناس ەسكەرتكىشى اشىلدى
استانا. قازاقپارات - قىرعىزستاننىڭ باتكەن وبلىسى قىزىلقيا قالاسىندا ماناس ەسكەرتكىشى اشىلدى، دەپ حابارلايدى كيرتاگ قىرعىزستان رەسپۋبليكاسى ۇكىمەتىنىڭ باسپا ءسوز قىزمەتىنە سىلتەمە جاساپ.

«ۇلى ماناس ەسىمى حالىقتىڭ بىرلىگىمەن بايلانىستى. «ماناس» ەپوسىندا حالىقتار اراسىنداعى دوستاستىق پەن كەلىسىم جايلى جان-جاقتى ايتىلادى. بارلىعىمىز ادامگەرشىلىگى مەن بىرلىگى جاراسقان قوعامدا كوپقىرلى جانە تۇراقتى دامۋ قالىپتاساتىنى بەلگىلى ەكەندىگىن بىلەمىز»، - دەدى قىرعىزستان پرەمەر-ءمينيسترى سوورونباي جەەنبەكوۆ ەسكەرتكىشتى اشۋ سالتاناتىندا.
«ۇلى ماناس ەسكەرتكىشى اشىلاتىن قىزىلقيا قالاسىندا 50 دەن استام ۇلت وكىلدەرى ءومىر سۇرەدى. بۇل بارلىعىمىز ءۇشىن جارقىن باستاما. ماناس تەك قانا حالىق باتىرى عانا ەمەس، سونىمەن قاتار ەلدىڭ نامىسىن، ادىلدىگىن، تۇراقتىلىعى مەن ساۋلىعىن ءبىرىنشى ورىنعا قويا بىلگەن دارىندى باسشى»، - دەپ اتاپ ءوتتى پرەمەر- مينيستر.