رەسەي ترامپ اكىمشىلىگىن استاناداعى كەلىسسوزدەرگە شاقىردى

استانا. قازاقپارات - رەسەي ا ق ش- تىڭ سايلانعان پرەزيدەنتى دونالد ترامپتىڭ اكىمشىلىگىن استانادا وتەتىن سيريا كەلىسسوزدەرىنە شاقىردى.
None
None

بۇل تۋرالى The Washington Post دەرەككوزىنە سىلتەمە جاساپ حابارلايدى.

شاقىرۋ 28 -جەلتوقسان كۇنى ترامپتىڭ بولاشاق اكىمشىلىگىنە جەتكىزىلگەن ەدى. رەسەيدىڭ ا ق ش- تاعى ەلشىسى سەرگەي كيسلياك ترامپتىڭ ۇلتتىق قاۋىپسىزدىك بويىنشا كەڭەسشىسى مايكل فليننگە قوڭىراۋ شالعان، دەپ جازادى باسىلىم.

دەرەككوز حابارلاعانداي، ترامپتىڭ اكىمشىلىگى كەزدەسۋگە كەلۋ تۋرالى شەشىمدى ازىرگە قابىلداعان جوق.

ەسكە سالا كەتەيىك، قازاقستان استاناسىندا 23 -قاڭتار كۇنى سيريالىق رەتتەۋ بويىنشا كەزدەسۋ وتكىزۋ جوسپارلانۋدا. كەلىسسوزگە سيريالىق بيلىك پەن وپپوزيتسيا وكىلدەرى، سونداي-اق يران، رەسەي، تۇركيا جانە ب ۇ ۇ وكىلدەرى قاتىسادى. شيەلەنىستى رەتتەۋ تۋرالى جول كارتاسى قىسقا مەرزىمدە قابىلدانادى دەپ كۇتىلۋدە.

سوڭعى جاڭالىقتار