10:03, 14 - قاڭتار 2017 | GMT +5
قازاقستاندىق سوتتالۋشى راقىمشىلىقتان باس تارتتى
استانا. قازاقپارات - وڭتۇستىك قازاقستاندا راقىمشىلىقتان باس تارتقان سوتتالۋشى بار.

بۇل تۋرالى وبلىستىق پروكۋراتۋرادا وتكەن راقىمشىلىق زاڭىنىڭ قولدانىلۋ ماسەلەلەرى تالقىلانعان دوڭگەلەك ۇستەلدە ءمالىم بولدى.
راقىمشىلىقتان باس تارتقان ازامات بۇل ارەكەتىن جازاسىنىڭ وتەلمەگەن بولىگىن نەعۇرلىم جەڭىل جازا تۇرىنە اۋىستىرۋدىڭ مەرزىمى كەلگەنىمەن تۇسىندىرگەن، دەپ حابارلايدى Otyrar.kz.
جالپى، قۇزىرلى ورگان وكىلدەرىنىڭ حابارلاۋىنشا، وبلىستا 90 قىلمىستى ءىس بويىنشا 113 تۇلعا راقىمشىلىق زاڭىنا ءىلىنىپ وتىر. بۇگىنگە دەيىن وبلىس سوتتارى 25 قىلمىستى ىسپەن 42 سوتتالۋشىنى قىلمىستى جاۋاپكەرشىلىكتەن بوساتۋ تۋرالى ۇكىمىن شىعارىپ ۇلگەرگەن. ال سوتتالعانداردىڭ ءبىرى وزىنە قاتىستى كەشىرىم جاساۋ اكتىسىنىڭ قولدانىلۋىنا قارسى بولىپ وتىر.