رەسەي، يران جانە تۇركيا ەلدەرى استانادا وتەتىن سيريا ماسەلەسى بويىنشا كەزدەسۋگە قاتىستى كەڭەس وتكىزدى
بۇل تۋرالى ر ف س ءى م مالىمەتىنە سىلتەمەمەن ر ي ا نوۆوستي اگەنتتىگى حابارلايدى.
رەسەيدىڭ سىرتقى ساياسات ۆەدومستۆوسى اتاپ وتكەندەي، شاراعا ر ف- نىڭ تاياۋ شىعىس جانە افريكا ەلدەرى بويىنشا ارنايى وكىلى، ر ف سىرتقى ىستەر ءمينيسترىنىڭ ورىنباسارى ميحايل بوگدانوۆ، رف- نىڭ تاياۋ شىعىس ماسەلەسىن رەتتەۋ بويىنشا ارنايى وكىلى، رەسەي سىرتقى ىستەر مينيسترلىگىنىڭ تاياۋ شىعىس جانە سولتۇستىك افريكا دەپارتامەنتى ديرەكتورى سەرگەي ۆەرشينين، يران يسلام رەسپۋبليكاسى سىرتقى ىستەر ءمينيسترىنىڭ ورىنباسارى حۋسەين دجابەري انساري مەن تۇركيا سىرتقى ىستەر ءمينيسترىنىڭ ورىنباسارى س. ونال قاتىستى.
«تالقىلاۋ استانادا وتەتىن سيريا ماسەلەسى بويىنشا كەزدەسۋگە دايىندىق توڭىرەگىندە ءوربىدى. 2016 -جىلدىڭ 29 -جەلتوقسانىندا قول جەتكىزىلگەن سيرياارالىق كەلىسىمدى جانە ب ۇ ۇ ق ك 2336 قارارىن ارى اراي ىلگەرىلەتۋ ءۇشىن استانادا وتەتىن كەزدەسۋدە سيريادا اسكەري ارەكەتتەر مەن قاقتىعىستاردى ۇزاق مەرزىمگە توقتاتۋ، ب ۇ ۇ تىزىمىنە كىرگەن لاڭكەستىك توپتارمەن كۇرەستى ودان ءارى جالعاستىرۋ، ودان بولەك بۇۇ قك 2254 قارارى نەگىزىندە سيريالىق داعدارىستى ساياسي رەتتەۋگە قاجەتتى سەرپىن بەرۋ ماسەلەسى تۋرالى جالپى پىكىر ايتىلدى» دەلىنگەن حابارلامادا.
