شاحانداعى اپاتتان كەيىن قۇرىلعان قامقورشىلىق قورى جۋرناليستەردەن باس تارتتى

استانا. قازاقپارات - شاحان اپات قامقورشىلىق قوعام دەمەۋشىلىك قاراجاتتى ۇلەستىرۋ ءۇشىن قۇرىلعان قور مۇشەلىگىنە بۇقارالىق اقپارات وكىلدەرىن قوسۋ قاجەت ەمەس.
None
None

شاحان كەنتىندەگى اپاتتان كەيىن قۇرىلعان قايىرىمدىلىق قورىنىڭ مۇشەلەرىنەن قاراعاندى جۋرناليستەرى جازعان اشىق حاتقا وسى ماعىنادا جاۋاپ كەلدى. شاحان اپاتىنان كەيىن جەدەل قۇرىلعان قامقورشىلىق قورىنىڭ مۇشەسىندە دەپۋتاتتار مەن قوعام قايراتكەرلەرى بار. قوردىڭ باسشىسى ەتىپ، شاحتينسك قالاسىنىڭ كاسىپكەرى تاعايىندالعان. بۇل تىزىمگە قاراعاندىلىق تىلشىلەر دە وزدەرىنىڭ وكىلدەرىن قوسۋدى ۇسىنعان بولاتىن. بۇل باستامانى ءماجىلىس دەپۋتاتتارى مەن شاحان كەنتىنىڭ تۇرعىندارى دا قولداعان بولاتىن.

سنەجانا يماشەۆا، ق ر پارلامەنتى ءماجىلىسىنىڭ دەپۋتاتى:

- مەن جۋرناليستەردىڭ قامقورشىلىق قورىندا مۇشە بولعانىن قالايمىن. بۇل بۇكىل الەمدىك تاجىريبەدە دە كورسەتىلگەن. جۋرناليستەردىڭ قوعامدىق ومىرگە قوساتىن ۇلەستەرى بار، سوندىقتان ولاردى مىندەتتى تۇردە تىزىمگە قوسۋ قاجەت دەپ ويلايمىن.

دەگەنمەن قوردىڭ قازىرگى مۇشەلەرى جۋرناليستەردى بۇل تىزىمگە قوسۋدىڭ قاجەتى جوق ەكەندىگىن باسا ايتىپ وتىر. قوعامدىق قور مۇشەلەرى بۇقارالىق اقپارات قۇرالدارى وكىلدەرىنىڭ تەك جينالعان قاراجاتتىڭ جۇمسالۋ مالىمەتتەرى تۋرالى اقپاراتتى جاريا ەتىپ قانا وتىرۋلارىنا كەڭەس بەردى.

ەرلان كەرىمقۇلوۆ، قوعامدىق قور كەڭەسىنىڭ ديرەكتورى:

- باستاپقىدا بۇل قامقورشىلىق كەڭەسىنە 100 ادام الۋعا بولاتىن ەدى، ءبىراق ەشقانداي قاجەتتىلىك كورىپ تۇرعان جوقپىن. ءبىز جۋرناليستەردى قورعا مۇشە ەتىپ الۋ سۇراعىن تالقىعا سالدىق. دەگەنمەن كەڭەستىڭ مۇشەلىگىن كەڭەيتۋ قاجەتتىلىگى جوق دەگەن شەشىمگە كەلدى. ىقشامدالعان كەڭەس جيناقى دا جىلدامىراق جۇمىس ىستەيدى، سول سەبەپتى ءبىز وسىنداي شەشىم شىعاردىق.

قازىر، ەڭ باستىسى، زارداپ شەككەن ادامداردىڭ جاعدايىن قالپىنا كەلتىرىپ، قامقورشىلىق كورسەتۋ. بۇگىندە قورعا 73 ميلليون تەڭگەدەن استام قاراجات جينالعان. ونىڭ 13 ميلليون تەڭگەسى زارداپ شەككەن وتباسىلارىنا تاپسىرىلدى. بۇل قاراجاتتىڭ ىشىندە جابىرلەنۋشىلەرگە تولەنگەن تولەماقى مەن جەرلەۋ راسىمدەرىنە جۇمسالعان قاجەتتىلىكتەر بار. ال ەندى قور مۇشەلىگىنە جۋرناليستەردى قوسۋ- قوسپاۋ قوعامدىق قور مۇشەلەرىنىڭ قۇزىرەتىندەگى ماسەلە. ەڭ باستىسى، حالىقتان جينالعان قارجى «ۇستاعاننىڭ قولىندا، تىستەگەننىڭ اۋزىندا» كەتپەسە يگى.

 

سوڭعى جاڭالىقتار