عالىمدار قۇلاق تازالاۋعا ارنالعان ماقتالى تاياقشالاردان باس تارتۋعا شاقىردى

استانا. قازاقپارات - امەريكالىق وتولارينگولوگيا اكادەمياسىنىڭ عالىمدارى قۇلاق تازالاۋعا ارنالعان ماقتالى تاياقشالاردان باس تارتۋعا شاقىردى.
None
None

سەبەبى مۇنداي گيگيەنا دەنساۋلىعىڭىزعا جاعىمسىز سالدارىن تيگىزەدى.

مامانداردىڭ سوزىنشە، قۇلاق گيگيەناسى - تەك دارىگەرلەردىڭ قۇزىرىنداعى دۇنيە. قۇلاقتى ماقتالى تاياقشا نە ءتىس تازالاعىش تاياقشامەن وزدىگىنەن تازالاۋعا بولمايدى. بۇل تاقىرىپتى قوزعاعان بايانداما Otolaryngology - Head and Neck Surgery جۋرنالىندا جارىق كوردى.

مامانداردىڭ تۇسىندىرۋىنشە، ادامنىڭ قۇلاعى وزدىگىنەن تازالانا الاتىنداي قۇرىلىمعا يە. بۇل اعزا ادامنىڭ كومەگىنسىز- اق ارتىق قۇلىقتى اقىرىنداپ سىرتقا شىعارىپ، ول ءبىز جۋىنعان كەزدە جۋىلىپ كەتەدى.

قۇلاقتاعى باسقا دا «زاتتاردى» شىعارۋ ادامدار ءۇشىن تىيىمعا اينالۋى ءتيىس. سەبەبى ەبەدەيسىز، وقىس قيمىلىڭىز ارقىلى قۇلىقتى قۇلاقتىڭ تەرەڭىنە تىعىپ جىبەرىپ، ول ءتۇرلى كىناراتتاردىڭ سەبەبىنە اينالۋى مۇمكىن. قۇلاقتى دۇرىس تازالاماۋ قۇلاق بۇلىعىنىڭ پايدا بولۋىنا عانا ەمەس، ساڭىراۋلىققا، ورتاڭعى قۇلاق قابىنۋىنا الىپ كەلۋى مۇمكىن.

وتولارينگولوگتار قۇلىقتىڭ قۇلاق ساۋلاعى ءۇشىن وتە ماڭىزدى ەكەندىگىن اتاپ ءوتتى. ول قۇلاقتى قۇرعاۋدان قورعاپ، باكتەريا، ساڭىراۋقۇلاقتارمەن كۇرەسەدى. سەبەبى ونىڭ قۇرامىنا يممۋنوگلوبۋليندەر كىرەدى. سونىمەن قاتار قۇلىق قۇلاققا شاڭ توزاڭدارىنىڭ تۇسۋىنە جول بەرمەيدى.

ماقتالى تاياقشالاردىڭ قۇلاققا زياندىلىعى مەن قاۋىپتىلىگىنە قاتىستى ماسەلەنى ماماندار كوپتەگەن جىل بويى كوتەرىپ كەلەدى. ءبىراق دارىگەرلەرگە ءالى كۇنگە دەيىن قۇلاعىن دۇرىس تازالاي بىلمەيتىن ناۋقاستار جۇگىنۋدە. ولار قۇلاق گيگيەناسىن ساقتاۋ وتە وڭاي ەكەندىگىن قايتالاۋدان جالىققان ەمەس. ق ۇلىقتى تازالاۋ ءۇشىن، تۇراقتى تۇردە قۇلاق جارعاعىن جۋىپ تۇرساڭىز جەتكىلىكتى.

دەرەككوز: Stan.kz

سوڭعى جاڭالىقتار