مەملەكەتتىك قىزمەتشىلەردىڭ ادەپسىز ارەكەتتەرى الەۋمەتتىك جەلىلەر ارقىلى باقىلانادى

وسى ۋاقىتقا دەيىن تارتىپتىك جازاعا تارتىلعاندار دا جوق ەمەس، دەپ حابارلايدى قازاقپارات ءتىلشىسى.
«ءبىز الەۋمەتتىك جەلىلەرگە ۇنەمى مونيتورينگ جاساپ وتىرامىز. سول كەزدە سان الۋان كورپوراتيۆتەرمەن وتىرىستاردا مەملەكەتتىك قىزمەتشىلەردىڭ ادەپسىز ارەكەتتەرى بار فوتولار جان- جاقتى زەردەلەنەدى. ول جايىندا بۇقارالىق اقپارات قۇرالدارىندا دا جازىلادى. وندايدا اگەنتتىك بىردەن ءتيىستى شارالاردى قولعا الىپ جاتادى»، - دەيدى شايىموۆا.
ماسەلەن، وتكەن جىلى ەتيكانى ساقتاماعان 200 گە جۋىق مەملەكەتتىك قىزمەتشى تارتىپتىك جازاعا تارتىلدى. ولاردىڭ ىشىندە جۇمىستان قۋىلعاندار دا بار.
«مىسالى، اقمولا وبلىسىنىڭ بۋراباي اۋدانىندا جاعا ۇستاتار ءبىر جاعدايدىڭ بولعانىن ءبارى جاقسى بىلەدى. اۋداندىق اكىمدىك دەڭگەيىندەگى لاۋازىمدى تۇلعالار ماس كۇيىندە توبەلەس شىعارعان. ولاردىڭ بىرەۋى جۇمىستان شىعارىلسا، ەكەۋىنىڭ قىزمەتى تومەندەتىلدى»، - دەپ اتاپ كورسەتتى شايموۆا.
اۆتور: ارمان اسقاروۆ