قىرعىزستاندا جەكەمەنشىك مەكتەپتەر سالىقتان بوساتىلماق

بىشكەك. قازاقپارات - مەكتەپ جەتىسپەۋشىلىك پروبلەماسىن شەشۋ ءۇشىن قىرعىزستان پارلامەنتاريى جاڭا جەكەمەنشىك مەكتەپتەر سالۋدى ىنتالاندىرۋ ماقساتىندا مەملەكەتتىك ەمەس ءبىلىم بەرۋ سەكتورىن سالىق سالۋدان بوساتۋدى ۇسىندى، دەپ حابارلادى بىشكەكتە «قازاقپارات» ح ا ا مەنشىكتى ءتىلشىسى.
None
None

«پارلامەنتتە جەكەمەنشىكتەگى مەكتەپتەردى سالىقتان بوساتۋدى كوزدەيتىن زاڭ جوباسى قارالۋدا. سالىق اۋىرتپالىعىنان بوساتۋ ماقساتى - جاڭا مەكەپتەر سالۋدى ىنتالاندىرۋ»، - دەدى جوگوركۋ كەنەشتىڭ دەپۋتاتى ابدىۆاحاپ نۇربايەۆ.

ول مەملەكەت قازىرگى ۋاقىتتا مەكتەپ جەتىسپەۋشىلىگى پروبلەماسىن شەشە المايتىنىن اتاپ ءوتتى.

«ولار تابىس سالىعىن تولەيدى جانە الەۋمەتتىك قورعا اۋدارادى. الايدا ءبىز جاڭا نىسان سالۋدى ىنتالاندىرعىمىز كەلەدى. ويتكەنى مەملەكەتتىڭ قاجەتتى سانعا جەتكىزىپ، مەكتەپ سالۋعا مۇمكىندىگى جوق. مەملەكەتتىك مەكتەپتەر تولى. سىنىپتاردا 40 بالادان وقيدى. ۇلگەرىمدىلىك جايىندا نە ايتۋعا بولادى؟ جەكەمەنشىك ءبىلىم بەرۋ مەكەمەلەرىن دامىتۋعا مۇمكىندىك بەرۋ قاجەت»، - دەپ اتاپ ءوتتى نۇربايەۆ.

سوڭعى جاڭالىقتار