سەنات ءتوراعاسى قىتاي ەلشىسىن قابىلدادى

استانا. قازاقپارات - سەنات ءتوراعاسى قاسىم- جومارت توقايەۆ قىتاي حالىق رەسپۋبليكاسىنىڭ قازاقستانداعى ەلشىسى جاڭ حانحۋيدى ونىڭ ءوتىنىشى بويىنشا قابىلدادى.
None
None

جوعارعى پالاتانىڭ ءتوراعاسى تاياۋ كۇندەرى قازاقستان مەن قىتايدىڭ اراسىنداعى ديپلوماتيالىق قاتىناستاردىڭ ورناعانىنا 25 جىل تولعانىن اتاپ ءوتتى. قازاقستان پرەزيدەنتى نۇرسۇلتان نازاربايەۆ پەن ق ح ر باسشىلارى شيرەك عاسىردا ەكى كورشى مەملەكەتتىڭ ۇزاق مەرزىمدى ستراتەگيالىق ارىپتەستىگىنىڭ سەنىمدى نەگىزىن جاسادى.

مەملەكەتتىك شەكارا دەليميتاتسيالاندى جانە دەماركاتسيا جاسالدى، قازاقستان مەن قىتايدىڭ بەلسەندى تۇردە قاتىسۋىمەن ايماقتىق قاۋىپسىزدىك پەن ىنتىماقتاستىقتىڭ جاڭا قاعيداتتىق تۇرعىداعى جۇيەسى قۇرىلدى. ايماقتىق ەكونوميكا ءۇشىن «نۇرلى جول» جاڭا ەكونوميكالىق ساياساتى مەن «ءبىر بەلدەۋ، ءبىر جول» باستاماسىنىڭ ۇيلەسىم تابۋىنىڭ ماڭىزى زور. ق. توقايەۆ ەكى ەلدىڭ ب ۇ ۇ قاۋىپسىزدىك كەڭەسىندەگى ءوزارا تىعىز ءىس- قيمىلىنا سەنىم ءبىلدىردى.

سەنات ءتوراعاسى ءوزىنىڭ تاياۋداعى قىتايعا ساپارىنىڭ ناتيجەلى بولعانىن، ونىڭ ەكىجاقتى ىنتىماقتاستىقتىڭ ماڭىزدى ماسەلەلەرى جونىندەگى پارلامەنتارالىق ءۇنقاتىسۋدى ۇدەتە تۇسۋگە ىقپال ەتكەنىن اتاپ ءوتتى.

سوڭعى جاڭالىقتار