وزبەكستاندىقتار مەككەگە ەندى ەكى رەت بارا المايدى

استانا. قازاقپارات - وسىعان دەيىن قاجىلىققا جانە ۇمراعا بارىپ كەلگەن وزبەكستان ازاماتتارى 2017 -جىلدان باستاپ مەككەگە قايتا بارا المايدى.
None
None

وزبەكستاننىڭ ءدىني ىستەر جونىندەگى كوميتەتىنىڭ قاجىلىقتى ۇيىمداستىراتىن مامانى سايداكمالحون شاكيروۆ بيىلدان باستاپ جاڭا ءتارتىپ ەنگىزىلگەنىن مالىمدەدى.

سايداكمالحون شاكيروۆتىڭ حابارلاۋىنشا، 2017 -جىلدان باستاپ قاجىلىققا بارۋشىلار تىزىمىنە تەك بۇرىن- سوڭدى بارماعان ازاماتتار عانا ىلىنەدى. سول سەبەپتەن ەگەر وسىعان دەيىن مەككەگە بارعان ازاماتتاردىڭ، تىپتەن ون جىل بۇرىن بارسا دا، كەزەگى كەلەتىن بولسا، اۆتوماتتى تۇردە تىزىمنەن الىنادى دەيدى شاكيروۆ.

الايدا بۇل ەرەجەنىڭ قاجىلىقتى ۇيىمداستىرۋ ءۇشىن ساپارلايتىن ۇكىمەت شەنەۋنىكتەرىنە جانە ارنايى ءىس ساپارمەن باراتىنداعا قاتىسى جوق. «جىل سايىن قاجىلىققا بارۋشىلارمەن 8 اسپاز جانە 30 دارىگەر جۇرەدى. جاڭا ءتارتىپتىڭ ولارعا قاتىسى جوق»، - دەدى سايداكمالحون شاكيروۆ.

ۇمرا مەككەگە جانە مەدينا قالالارىنا باراتىن كىشى قاجىلىق. مۇندا ادامدار كەز كەلگەن ۋاقىتتا بارا الادى. ال قاجىلىق شاماسى كەلەتىن بارلىق مۇسىلماندار ءۇشىن مىندەتتى بولىپ سانالادى.

centralasian.org

baq.kz

سوڭعى جاڭالىقتار