سيرياداعى قارۋلى توپتار استانادا وتەتىن كەزدەسۋگە قاتىسۋ ءۇشىن شارت قويدى

استانا. قازاقپارات - سيريانىڭ سولتۇستىگىندەگى قارۋلى توپ وكىلدەرى استانادا بيلىك پەن وپپوزيتسيا وكىلدەرىنىڭ كەلىسسوزدەرىنە قاتىسۋ ءۇشىن شارت قويدى.

شارتتاردىڭ ءبىرى حالىقارالىق باقىلاۋ اياسىندا اتىستى توقتاتۋ، دەپ حابارلايدى ر ي ا نوۆوستي.

«سولتۇستىكتە (سيريا) سوعىسىپ جاتقان قارۋلى توپ وكىلدەرى استاناعا بارۋ ءۇشىن شارت قويدى. بۇل شارتتاردىڭ اراسىندا حالىقارالىق باقىلاۋ اياسىندا سوعىستى توقتاتۋ ماسەلەسى دە بار»، - دەدى «حالىقتىق ديپلوماتيا» قوزعالىسىنىڭ حاتشىسى ماحمۋد ءال-افاندي انكارادا وتكەن كەزدەسۋدە.

ول سونىمەن قاتار استانادا وتەتىن كەزدەسۋگە قاتىسۋشىلاردىڭ ازىرگە ناقتىلانباعاندىعىن دا ايتتى.