قىرعىزستاننىڭ كولونياسىندا جازاسىن وتەۋشىلەر اشتىق جاريالادى
بۇل تۋرالى كيرتاگ جۇمادا مەملەكەتتىك جازالاردى ورىنداۋ قىزمەتىنىڭ (م ج و ق) باسپا ءسوز قىزمەتىندە حابارلادى.
«وتكەن جىلى جازدا شىققان جاڭا زاڭعا سايكەس ەكسترەميستىك جانە لاڭكەستىك قىلمىس جاساعانى ءۇشىن سوتتالعانداردى باسقا ساناتتاعى جازاسىن وتەۋشىلەردەن بولەك ۇستاۋدى تالاپ ەتەدى. جازاسىن وتەۋشىلەر وسى نورماعا نارازىلىق رەتىندە اشتىق جاريالادى»، - دەپ حابارلادى ۆەدومستۆودا.
م ج و ق- تا 20-عا جۋىق ادام وزدەرىنىڭ بۇل زاڭدى قابىلداعانعا دەيىن سوتتالعانىن، سول سەبەپتى شارتتى- مەرزىمىنەن بۇرىن بوساتۋدى تالاپ ەتۋدە.
«№27, №47 جانە №16 كولونيالاردا جاڭا زاڭنىڭ قابىلدانۋىنا بايلانىستى ەكسترەميزم مەن تەرروريزم ارەكەتتەرى بويىنشا ايىپتالعان سوتتالۋشىلاردى كامەرادا ەكى- ءۇش كۇن باسقا جازاسىن وتەۋشىلەردەن بولەك ۇستايدى. قازىر №3 كولونيادا وسىنداي كامەرالاردى دايىنداۋ جۇمىستارى ءجۇرىپ جاتىر»، - دەپ اتاپ ءوتتى م ج و ق- تا.
