سەرىك ساپيەۆ اتلەتيكا قالاشىعىنىڭ اكىمى بولىپ تاعايىندالدى

«قازاقستاندىق بوكسشى، الەمنىڭ ەكى دۇركىن چەمپيونى، وليمپيادا چەمپيونى سەرىك ساپيەۆ دۇنيەجۇزىلىك قىسقى ۋنيۆەرسيادا قوناقتارى مەن ەرىكتىلەرى ورنالاساتىن اتلەتيكا قالاشىعىنىڭ اكىمى بولىپ تاعايىندالدى»، دەپ حابارلادى ديرەكسيادان.
اكىمنىڭ مىندەتىنە دەلاگاتسيانى قارسى الۋ، سالتاناتتى شارالاردىڭ اشىلۋىنا، جالاۋلاردى كوتەرۋ راسىمدەرىنە قاتىسۋ كىرەدى. سونىمەن قاتار، رەسمي شارالارمەن قوسا، قوناقتاردىڭ جايلى ورنالاسۋلارىن دا قامتاماسىز ەتۋى قاجەت.
«اتلەتيكا قالاشىعىنىڭ اكىمى بولۋ جانە مىناداي اۋقىمدى سپورت شاراسىنا ارالاسۋ - مەن ءۇشىن ۇلكەن مارتەبە، جاۋاپتى مىندەت. جاقىندا الماتىعا ۋنيۆەرسياداعا قاتىسۋ ءۇشىن قوناقتار كەلە باستايدى. الەمنىڭ ءار تۇكپىرىنەن كەلەتىن حالىقتاردىڭ بەيبىت، كەلىسىمدە بولعانىن قالايمىز»، - دەدى سەرىك ساپيەۆ.
ايتا كەتەيىك، اتلەتيكا قالاشىعىنا 3000 ادام كەلەدى دەپ جوسپارلانىپ وتىر. وندا سپورتشىلاردان بولەك، رەسەي، ۋكراينا، وڭتۇستىك كورەيا، قىتاي، ا ق ش جانە وزگە دە ەلدەردىڭ 100 گە جۋىق ەرىكتىلەرى دە بولادى.
باس جوسپار بويىنشا سپورت قالاشىعىندا 5000 ادام ورنالاسا الادى. ال سالتاناتتى اشىلۋى - 24 قاڭتاردا.
اۆتور: الماس مۇقاش ۇلى