12:45, 13 - قاڭتار 2017 | GMT +5
رەسەي مەن تۇركيا سيرياداعى قاقتىعىستاردى بولدىرماۋ جانە ۇشۋ قاۋىپسىزدىگى جايلى كەلىسىمگە كەلدى
ماسكەۋ. قازاقپارات - رەسەي فەدەراتسياسىنىڭ قورعانىس ميينسترلىگى مەن تۇركيا رەسپۋبليكاسى قارۋلى كۇشتەرىنىڭ باس شتابى سيريا اراب رەسپۋبليكاسىنداعى قاقتىعىستاردى بولدىرماۋ جانە وپەراتسيالار بارىسىندا ۇشۋ قاۋىپسىزدىگىن قامتاماسىز ەتۋ جايلى مەموراندۋمگە قول قويدى.

بۇل تۋرالى ماسكەۋدەگى «قازاقپارات» ح ا ا ءتىلشىسى رەسەي قورعانىس مينيسترلىگى سايتىنا سىلتەمە جاساپ حابارلايدى.
مەموراندۋمعا قول قويۋ ەكى ەلدىڭ قورعانىس مەكەمەلەرىنىڭ دەلەگاتسيالارى اراسىنداعى سيرياداعى د ا ي ش- كە قارسى كۇرەستەگى رەسەي- تۇرىك ءوزارا ارەكەتتەستىگى ماسەلەلەرىنە ارنالعان كونسۋلتاتسيا بارىسىندا ءوتتى.
رەسەي مەن تۇركيا سيرياداعى قاقتىعىستاردى بولدىرماۋ جانە ۇشۋ قاۋىپسىزدىگى جايلى كەلىسىمگە كەلدى.
مەموراندۋم ارقىلى رەسەي اۋە- عارىش كۇشتەرى مەن تۇركيا اسكەري- اۋە كۇشتەرى اۆياتسياسىنىڭ لاڭكەستەردىڭ نىسانىنا سوققى بەرۋدەگى ۇيلەستىرۋ مەحانيزمدەرى، سونداي- اق سيريانىڭ اۋە اۋماعىندا ۇشاقتار مەن قاشىقتان باسقارىلاتىن ۇشۋ اپپاراتتارىن تابۋداعى قاقتىعىستاردى بولدىرماۋ بويىنشا تاراپتاردىڭ ءىس- ارەكەت ءتارتىبى انىقتالدى.