08:47, 13 - قاڭتار 2017 | GMT +5
بەيجىڭ وليمپياداسىنىڭ «التىنى» قازاقستاندىق اۋىر اتلەتكە بۇيىردى
استانا. قازاقپارات - حالىقارالىق وليمپيادا كوميتەتى سەگىز اۋىر اتلەتتى 2008-جىلى بەيجىڭدە وتكەن جازعى وليمپيادا التىنىنان ايىردى.
ولاردىڭ اراسىندا قازاقستاندىق اللا ۆاجەنينادان باسىم تۇسكەن قىتايلىق تساو لەي دە بار.
ۆاجەنينا 75 كەلىگە دەيىنگى ساناتتا بەيجىڭ ويىندارىنىڭ كۇمىس جۇلدەگەرى اتانعان ەدى، «التىن» قىتايلىق تساو لەيگە، ال «قولا» رەسەيلىك نادەجدا ەۆستيۋحيناعا بۇيىرعان.
ح و ك سايتىندا حابارلانعانداي، تساو لەيدىڭ ناتيجەسى كۇشىن جويادى، سەبەبى ونىڭ دوپينگ-سىناماسىنان بوي وسىرەتىن گورمون ارتتىرعىش زاتتار تابىلعان.
تامىز ايىندا ح و ك قىتايلىق اۋىر اتلەتتىڭ دوپينگ-سىناماسىنان تىيىم سالىنعان زاتتار تابىلعانىن مالىمدەگەن ەدى.
وسىلايشا، «التىن» بەيجىڭ وليمپياداسىندا ەكىنشى ورىن العان قازاقستاندىق اۋىر اتلەت اللا ۆاجەنيناعا بۇيىراتىن بولدى.
