شالقيا الەمدىك مىرىش نارىعىنداعى نەگىزگى وندىرۋشىگە اينالدى

قىزىلوردا. قازاقپارات - «شالقيا» كەنىشىندە بۇگىنگى كۇنى 438 ادام ەڭبەك ەتىپ جاتىر. ال جەراستى كەن قازبالاۋعا 150 ادام قاتىسۋدا. بۇل تۋرالى قازاقپارات ح ا ا ءتىلشىسى حابارلادى.
None
None

 «شالقيا سينك ل ت د» ا ق باس ديرەكتورىنىڭ كەڭەسشىسى ءناجمادين مۇسابايەۆتىڭ ايتۋىنشا، ءوندىرىس ورنى توقىراپ قالعان تۇستا وزگە وڭىرلەرگە كوشىپ كەتكەن ماماندار ەلگە قايتا ورالۋدا ەكەن. سول ءۇشىن كەنىش باسشىلىعى ولاردى جاتىن ورىن، تۇرعىن ۇيمەن قامتاماسىز ەتۋ ماسەلەسىن شەشىپ قويدى. مۇندا تۇرعىن ءۇي ماسەلەسى دە وڭ شەشىمىن تاپقان. تاياۋ بولاشاقتا كاسىپورىن تولىقتاي ىسكە قوسىلعان كەزدە مۇندا 1500 ادام تۇراقتى جۇمىسپەن قامتىلاتىن بولادى.

 الىپ جوبانىڭ جالپى قۇنى 500 ميلليون ا ق ش دوللارىن قۇرايدى. ونىڭ 350 ميلليون دوللارى «ەۋروپالىق قايتا قۇرۋ جانە دامۋ بانكى» ارقىلى قارجىلاندىرىلادى. جالپى، «شالقيا» قورعاسىن- مىرىش كەنىشىندە قۋاتتىلىعى جىلىنا 4 ميلليون توننالىق كەن- بايىتۋ كومبيناتى « قىزىلوردا وبلىسىندا تاۋ- كەن مەتاللۋرگيا كەنىشىن دامىتۋدىڭ جول كارتاسىنا» ەنگەن 3 ءىرى جوبانىڭ ءبىرى.

 «شالقيا سينك ل ت د» ا ق باسقارما ءتوراعاسى بولات رامازانوۆتىڭ ايتۋىنشا، قورعاسىن مەن مىرىش ءوندىرۋ ءۇشىن پوليمەتالداردى ءوندىرىپ جانە بايىتۋ جوباسىنا قۇنى 165 ميلليارد تەڭگە تۇراتىن يننوۆاتسيالىق تىك- كونۆەيەرلى رۋدانى شىعارۋ تەحنولوگياسى قولدانىلىپ كەلەدى. قازىر ونىمگە دەگەن سۇرانىس جوعارى. سوندىقتان «شالقيا» الەمدىك مىرىش نارىعىنداعى نەگىزگى وندىرۋشىگە اينالدى.

 «شالقيا» پوليمەتالل كەن ورنىن «جەراستى ءادىسى» ارقىلى ونەركاسىپتىك يگەرۋ جوباسى ەكى كەزەڭ بويىنشا 2018 -جىلى جىلدىق قۋاتى 2 ميلليون تونناعا دەيىن جەتەتىن كەنىش سالىنادى. ال، 2020 -جىلى تاۋ- كەن ونەركاسىبىنىڭ ءوندىرىس كولەمى 4 ميلليون تونناعا دەيىن ۇلعايادى.

اۆتور: ەلۋباي اۋەزوۆ

سوڭعى جاڭالىقتار