07:31, 13 - قاڭتار 2017 | GMT +5
اتىراۋ اكىمىنىڭ اتىنان تاراتىلعان اقپارات جالعان بولىپ شىقتى
اتىراۋ. قازاقپارات - اتىراۋ وبلىسىنىڭ اكىمدىگى الەۋمەتتىك جەلىلەردە تاراعان ۋچاسكەلىك پوليتسەيلەرگە ەسىك اشپاۋعا بولاتىنى تۋرالى اكىمنىڭ قاۋلىسى شىققاندىعى جايلى اقپاراتتىڭ جالعان ەكەندىگىن مالىمدەدى.

«بۇل جالعان اقپارات جانە وعان اتىراۋلىقتاردىڭ سەنىپ قالعاندىعى وكىنىشتى. اتىراۋ وبلىسىنىڭ دا، قالاسىنىڭ دا اكىمدىگى بۇنداي قاۋلى شىعارعان جوق جانە شىعارۋعا قۇقىعى دا جوق ەدى»، - دەپ حابارلادى وبلىستىق اكىمدىكتىڭ رەسمي وكىلى سەرىكجان ەرمەنتايەۆ.
ەسكە سالا كەتەيىك، بۇنداي اقپارات بۇگىن ەلوردادا دا تاراعان ەكەن. الايدا استانا اكىمدىگى دە ونىڭ جالعان ەكەندىگىن مالىمدەگەن.