گولوۆكين ءوز سوققىلارىمەن دجەيكوبستى جەر يىسكەتەتىن بولادى - ابەل سانچەس

استانا. قازاقپارات - باپكەر ابەل سانچەس BoxingScene اگەنتتىگىنە بەرگەن سۇحباتىندا، ونىڭ قول استىنداعى بوكسشىسى گەننادي گولوۆكين امەريكالىق دەنيەل دجەيكوبستى جويقىن سوققىلارىمەن تيتىقتاتىپ، كەيىن نوكاۋتقا جىبەرەتىنىن ءمالىم ەتتى.
None
None

ول دجەيكوبستىڭ مىقتى تۇستارى بارىن مويىندادى، دەگەنمەن گولوۆكينمەن شارشى الاڭدا 12 راۋندقا ەشبىر بوكسشى شىدامايتىنىن تاعى دا ەسكە سالىپ ءوتتى.

«دەنيەلدىڭ وڭ قولى وتە مىقتى، ونىڭ سوققىسى وتە جىلدام، ءبىراق مەن الدىندا ايتتىم - گەنناديگە قارسى ەشكىم 12 راۋند بويى شىداپ تۇرا المايدى. ءبارى-ءبىر دجەيكوبستى ول سۇلاتپاي تىنبايدى. دەنني ءوز سوققىلارىن دارىتاتىنى انىق، سەبەبى بۇل بوكس، بۇل ويىننىڭ اجىراماس بولىگى. الايدا گەننادي ءتۇپتىڭ تۇبىندە ونى ابدەن تيتىقتاتىپ، ءدال سوققىسىن جاسايدى دا نوكاۋتقا جىبەرەدى»، - دەيدى ابەل سانچەس.

ءوز كەزەگىندە دەنيەل دجەيكوبستىڭ باپكەرى اندرە روزە 18- ناۋرىز كۇنى گەننادي گولوۆكينمەن كەزدەسۋدە قانداي ءتاسىل قولداناتىندارىن ايتىپ بەردى.

گولوۆكيننىڭ ءوزى دجەيكوبستى ءوزىنىڭ مانسابىنداعى ەڭ مىقتى بوكسشىسى دەپ سانايدى.

اۆتور: جاسۇلان جولدىبايەۆ

سوڭعى جاڭالىقتار