قىتاي كومپارتياسىنىڭ وكىلدەرى قازاقستانعا ءوز يدەيالارىن تانىستىردى

استانا. قازاقپارات - قىتاي كوممۋنيستىك پارتياسىنىڭ وكىلدەرى «نۇر وتان» پارتياسىنىڭ شاقىرۋىمەن قازاقستانعا كەلىپ، 6 -پلەنۋمىنىڭ قورىتىندىلارىن جاريا ەتتى، دەپ حابارلايدى قازاقپارات.
None
None

جۋرناليستەرمەن اڭگىمەلەسكەن بۇكىلقىتاي حالىق وكىلدەرى قۇرىلتايى تۇراقتى كوميتەتى باس حاتشىسىنىڭ ورىنباسارى شەن حۋنياو كوممۋنيستىك پارتيانىڭ جۇمىسى تۋرالى ايتىپ بەردى.

«قىتايدىڭ كومپارتياسى شەت ەلدەردەگى پارتيالىق ارىپتەستەرىمەن ىنتىماقتاستىق ورناتقان. بۇل جولى «نۇر وتان» پارتياسىنىڭ شاقىرۋىمەن قازاقستانعا كەلدىك. ماقساتىمىز - «نۇروتاندىق» ارىپتەستەرىمىزگە قىتاي كومپارتياسى 6 -پلەنۋىمىنىڭ قورىتىندىسىن، ءوزىمىزدىڭ جاڭا يدەيالارىمىزدى جەتكىزۋ»، - دەدى شەن حۋنياو.

ش. حۋنياونىڭ ايتۋىنشا، قىتاي كومپارتياسىنىڭ جۇمىسىندا شەت ەلدەردى ارالاۋ «سالتى» بۇرىننان بار.

«ءاربىر پلەنۋمىزدان كەيىن پارتيا دوستار ەلدەرگە دەلەگاتسيا جىبەرىپ، جۇمىسىمىزبەن تانىستىرىپ قايتادى. پارتيا ساياساتىن اشىق ايتۋ ارقىلى قازاقستان مەن قىتاي اراسىنداعى ىنتىماقتاستىقتى نىعايتىپ، دوستىقتى كۇشەيتە الامىز»، - دەيدى ول.

قىتاي دەلەگاتسياسىنىڭ ساپارى اياسىندا ولار قازاقستاننىڭ ساياسي پارتيا وكىلدەرىمەن، ب ا ق وكىلدەرىمەن كەزدەسەدى دەپ جوسپارلانعان.

«قازاقستانمەن اراداعى مۇددەلى تاقىرىپتار بويىنشا ءوزارا پىكىر الماسۋ ءبىز ءۇشىن ۇنەمى ۇلكەن مارتەبە بولعان. قازاقستاننان كەيىن، تاجىكستان ەلىنە بارىپ، وسىنداي ءبىراز شارا وتكىزبەكپىز»، - دەپ حابارلادى شەن حۋنياو.

اۆتور: كەنجەكەي توقتامۇرات قىزى

سوڭعى جاڭالىقتار