قىزىلوردا پوليتسياسى جوعالعان جاس ءوسپىرىمدى ساياجايدان تاپتى

قىزىلوردا. قازاقپارات -  قىزىلوردا پوليتسياسىنىڭ جەدەل- ىزدەستىرۋ جۇمىستارىنىڭ ناتيجەسىندە جاس ءوسپىرىم ءدىن امان تابىلىپ، وتباسىنا قوسىلدى، دەپ حابارلادى "قازاقپارات" ح ا ا ءتىلشىسى.
None
None

9 -قاڭتاردا ساعات 15.00 شاماسىندا 2001 -جىلعى جاس ءوسپىرىم ۇيىنەن بەلگىسىز باعىتقا شىعىپ كەتىپ، قايتا ورالمايدى. كەلەسى كۇنى اناسى بالاسىنىڭ جوعالىپ كەتكەندىگى جايلى پوليتسياعا حابارلايدى. جاس ءوسپىرىمدى ىزدەۋگە جەرگىلىكتى پوليتسيا قىزمەتىنىڭ يۋۆەنالدى پوليتسيا بولىمشەسىنىڭ جەكە قۇرامى جۇمىلدىرىلىپ، جەدەل تۇردە ىزدەستىرۋ شارالارى جۇرگىزىلدى. ۇيدەن كەتىپ قالۋىنا سەبەپ بولارلىق جايتتار جان- جاقتى قارالىپ، بارۋى مۇمكىن ورىندار تەكسەرىلدى، جاقىندارىنان تۇسىنىكتەمەلەر الىندى. پوليتسيا قىزمەتكەرلەرىنىڭ جۇرگىزگەن ىزدەستىرۋ شارالارىنىڭ ناتيجەسىندە جاس ءوسپىرىم «سابالاق» ساياجايىندا تۇراتىن دوسىنىڭ ۇيىندە تىعىلىپ جاتقان جەرىنەن تابىلدى.

قازىرگى تاڭدا، ءجاسوسپىرىمنىڭ جاعدايى جاقسى دەپ باعالانۋدا، ول اتا- اناسىنا تاپسىرىلدى. ۇيىنەن كەتىپ قالۋ سەبەپتەرى انىقتالىپ، مۇنداي جاعدايلاردىڭ الدىن الۋ باعىتىندا ءتيىستى شارالار قابىلدانۋدا.

وسى وقيعاعا وراي، پوليتسيا اتا-انالارعا جاسوسپىرىمدەر تاربيەسىنىڭ، ءتارتىبىنىڭ، مىنەز-قۇلقىنىڭ قالىپتاسۋىنا جاۋاپكەرشىلىكتى ارتتىرىپ، جەتكىنشەكتەردىڭ دەنساۋلىعى مەن قاۋىپسىزدىگىنە باقىلاۋدى كۇشەيتۋ قاجەتتىگىن ەسكەرتەدى.

 

سوڭعى جاڭالىقتار