كۇيەۋىنە ادال بولماعان ايەلدەردىڭ جاعا ۇستاتارلىق جازالارى

تونكينسكي كورولدىگىندە كۇيەۋىنە ادال بولماعان ايەلدى ءپىلدىڭ تاپتاۋىنا تاستاعان. سيامادا دا ايەلدەردى جازالاۋعا ءپىلدى قولدانعان. دەسەك تە اتالمىش ەلدىڭ زاڭدارى تونكينسكي كورولدىگىمەن سالىستىرعاندا جۇمساعىراق بولدى. كۇيەۋىنە ادال بولماعان ايەلدى ارنايى جەرگە كىرگىزگەن. ءپىل ونى ءپىلدىڭ ۇرعاشىسى رەتىندە قابىلداپ ايەلمەن شاعىسادى ەكەن.
ەجەلگى برەتونەتستەر وسىعان ۇقساس شارالاردى قولدانعان. افريكادا كىشىگىرىم لۋگانا كورولدىگى بار. وندا كۇيەۋىنە ءشوپ سالعان ايەل مەن ونىڭ اشىناسىن بيىك جاردان لاقتىرادى. گالدىقتار ادەتتە ولاردىڭ دەنەسىنە لاي جاعىپ، قالا ىشىمەن سۇيرەگەن.
كەيبىر ەلدەردە ايەلدى كۇيەۋىنىڭ ءوزى جازالاعان. ەگەر جۇبايى وزىنە ادال ەمەس ەكەنىن سەزسە ءدال سول جەردە ازاپتاي الادى. ونى ايەلىنەن زەرىككەن ەر ادامنىڭ ودان وڭاي قۇتىلا الاتىن بۇرىڭعى ءداستۇردىڭ جاڭعىرىعى دەسە دە بولادى. ءدال وسىنداي ءداستۇر گوتتاردا دا بولعان. ياعني كۇيەۋى ايەلىنىڭ ادالدىعىنا كۇمان كەلتىرسە ءوز قولىمەن جازالاۋعا قۇقىعى بولعان.
مايامي جابايىلارى ايەلدەردىڭ مۇرنىن كەسىپ الادى دا، ابيسسينيالىقتار ونى كوشەگە شىعارىپ بولشەكتەگەن. ال كانادالىق ابوريگەندەر كۇيەۋىنىڭ كوزىنە ءشوپ سالعان ايەلدىڭ باسىن ءتىلىپ، ودان كەيىن باس تەرىسىن سىپىرىپ الىپ وتىرعان. شىعىس ريم يمپەرياسىندا ايەلدەردى ساۋدا الاڭىندا قالاعان ەركەككە ساتقان ەكەن. دياربەكيردە قىلمىسكەر ايەلدى وتباسىمەن ازاپتاعان. وتباسىنىڭ ءار مۇشەسى ءبىر- بىردەن وعان پىشاق سۇعۋ كەرەك ەكەن. ال گرەتسيانىڭ كەيبىر ولكەلەرىندە كەز- كەلگەن ادام كۇيەۋىنە ءشوپ سالعان ايەلدى ولتىرۋگە قۇقىعى بولعان.
امەريكادا فرانسۋزدىق زەرتتەۋشىلەر جابايى گۋاكس- توليام تايپاسىن تاپتى. تايپا زاڭى بويىنشا كۇيەۋىنە ادال بولماعان ايەلدى بولشەكتەپ، ونىڭ ەتىن جەيدى. گوتتەنتوتتار نەكەدەگى ادالدىققا ۇلكەن ءمان بەرگەن. نەكە زاڭىنا مويىنسۇنباعان ايەلدەردى ءولىم جازاسىنا كەسكەن. كەز- كەلگەن ادامنىڭ كۋالىگى ايەلدىڭ كىناسىن تولىقتاي دالەلدەي العان.
«قامشى»