12:25, 12 - قاڭتار 2017 | GMT +5
ەلوردالىق سپورتشىلار قىسقى ۋنيۆەرسياداعا دايىن
استانا. قازاقپارات - كونكيمەن جۇگىرۋ سپورتىنان حالىقارالىق دارەجەدەگى سپورتشى دميتري موروزوۆ پەن قازاقستاننىڭ سپورت شەبەرى نادەجدا سيدەلنيك ەلوردا نامىسىن قورعاماق.

وتاندىق سپورتشىلاردىڭ دايىندىعى جونىندە استانا قالاسىنىڭ كونكيمەن جۇگىرۋ سپورتىنان باس باپكەرى ۆلاديمير كوستين ايتتى، دەپ جازادى استانا اكىمدىگىنىڭ سايتى.
«وتكەن ۋنيۆەرسيادادا بۇل سپورت تۇرىنەن جارىس وتكەن جوق. ءبىزدىڭ سپورتشىلار دودانى تاعاتسىزدانا كۇتۋدە. دميتري مەن نادەجدا ەڭ جاس ءارى بولاشاعىنان ءۇمىت كۇتتىرەتىن سپورتشىلار، قازىر ولار شەتەلدە جالپى كوماندالىق جيىندا جاتتىعۋدا. ءدال بابىنداعى سپورتشىلار، سايىسقا ءازىر. ولار ءساتتى ونەر كورسەتەدى دەپ ۇمىتتەنەمىن»، - دەدى ۆلاديمير كوستين.
سونداي-اق استانالىق سپورتشىلار شايبالى حوككەيدە دە ونەر كورسەتپەك.
29- قاڭتاردا الماتىدا باستاۋ الاتىن XXVIII دۇنيەجۇزىلىك قىسقى ۋنيۆەرسياداعا 12 سپورت تۇرىنەن 168 وتاندىق سپورتشى قاتىسپاق.