11:42, 12 - قاڭتار 2017 | GMT +5
سەرىك احمەتوۆ راقىمشىلىق بويىنشا جازاسىن قىسقارتۋدى سۇراپ وتىر
استانا. قازاقپارات - قازاقستاننىڭ بۇرىنعى پرەمەر-ءمينيسترى سەرىك احمەتوۆ جازا وتەۋ مەرزىمىن قىسقارتۋ تۋرالى ءوتىنىش بەردى، دەپ حابارلادى سوتتىڭ باسپا ءسوز قىزمەتى.

«سەرىك نىعمەت ۇلى احمەتوۆ جازاسىن وتەپ جاتقان مەكەمەدەن 2016-جىلعى 12- جەلتوقسانداعى راقىمشىلىق جاساۋ تۋرالى زاڭ قولدانىسقا ەنگىزىلگەن كۇننەن باستاپ ونىڭ جازاسىنىڭ وتەلمەگەن تورتتەن ءبىر بولىگىن قىسقارتۋ تۋرالى ءوتىنىش بەردى»، - دەپ حابارلادى اباي اۋداندىق سوتىنىڭ ب ا ق- پەن جۇمىس ۇيلەستىرۋشىسى ارداق جۇماشەۆ.
ءوتىنىش تىركەلىپ، سۋدياعا جولداندى.
ەسكە سالا كەتسەك، 2015-جىلى جەلتوقسان ايىندا احمەتوۆ ءىرى كولەمدەگى ۇرلاۋلار مەن قىزمەتتىك وكىلەتتىگىن اسىرا پايدالانعانى ءۇشىن سەگىز جىلعا باس بوستاندىعىنان ايىرىلعان.
بۇدان بۇرىن قازاقستان پرەزيدەنتى نۇرسۇلتان نازاربايەۆ پارلامەنتكە «قازاقستان رەسپۋبليكاسى تاۋەلسىزدىگىنىڭ جيىرما بەس جىلدىعىنا بايلانىستى راقىمشىلىق تۋرالى» زاڭ جوباسىن ەنگىزگەن.