ورىس قىزى: قازاقتىڭ كەلىنى بولعان شىنىمەن دە، كەرەمەت ەكەن - فوتو

استانا. قازاقپارات - قىزىلجارلىق ناتاليا كاسيموۆانىڭ قازاققا كەلىن اتانعانىنا ەكى جىلدان استى. NUR. KZ پورتالىنا بەرگەن سۇحباتىندا ول قازاقتىڭ كەلىنى بولعان نەسىمەن جاقسى ەكەنىن بايانداپ بەردى.
None
None

ناتاليا 26 جاستا، قىزىلجار قالاسىندا تۋىپ-وسكەن. جولداسىنىڭ ەسىمى - تالعات. ولار دا باسقا باقىتتى جۇپتار سياقتى ماحابباتپەن باس قوسقان.

«ءبىز ءبىر كومپانيادا، ءبىراق ەكى بولەك جەردە جۇمىس ىستەدىك. ورتاق جينالىستار مەن سەمينارلاردا عانا كەزدەسەتىنبىز. جولداسىم ماعان بىردەن نازار اۋدارىپتى، ال مەن ونى بايقاماپپىن. ءتىپتى، باسقا جۇمىسقا كەتكەنىندە بىلمەيمىن. بۇيرىق قوي، ءبىز سول جۇمىستا قايتا جولىعىپ، سودان بەرى ارامىز اجىرامادى»، - دەيدى ناتاليا.

Қазаққа келін болған орыс қызы: Қазақтың келіні болған шынымен де, керемет екен (фото)

تاعدىردىڭ جازۋىمەن، ناتاليا بالالار ۇيىندە تاربيەلەنگەن. ونىڭ تاڭداۋىن ەشكىم سوكپەپتى.

«مەنىڭ تەك قۇربىلارىم عانا تاڭدانعانداي بولدى. ءبىزدىڭ قوعام ءبىرجاقتى ەمەس قوي، بىرەۋ قارسى بولادى، ەندى ءبىرى قولداي كەتەدى. العاشقى كەزدە مەن بىزگە دەگەن ەلدىڭ ءبىرتۇرلى كوزقاراسىن بايقايتىنمىن. ال قازىر ولارعا ءمان بەرمەيمىن.

جولداسىما قيىنىراق بولدى، ويتكەنى ونىڭ تۋىستارى مەن وتباسى باس كەزىندە بىزگە قارسى بولدى. ءبىراق مەنىمەن جۇزبە-ءجۇز كەزدەسۋدەن سوڭ، ءبارى رەتكە كەلدى. مەنىڭ اتا-ەنەم - الەمدەگى ەڭ جاقسى ادامدار.

Қазаққа келін болған орыс қызы: Қазақтың келіні болған шынымен де, керемет екен (фото)

ورىس كەلىننىڭ ايتۋىنشا، ۇلت ماسەلەسى ۇيدە مۇلدە قيىندىق تۋعىزبايدى. ناتاليا ۇلگىلى كەلىن بولۋعا تىرىسادى، قازاق ءتىلىن ۇيرەنىپ، سالت-ءداستۇردى ساقتاپ ءجۇر.

«ءبىز وتباسىمىزبەن بارلىق قازاق جانە ورىس مەيرامدارىن اتاپ وتەمىز. مەن كۇيەۋىممەن قازاق تىلىندە سويلەسەمىن. ءبىزدىڭ ءبىر ۇلىمىز بار. ونىڭ ەسىمى - الان. ونىڭ اتىن اتا-ەنەم قويدى، قازاق وتباسىلارىن دا سويتەدى. ءبىز ونىمەن قازاقشا دا، ورىسشا دا سويلەسەمىز. ءارتۇرلى ادەتتەر مەن داستۇرلەر جولداسىم ەكەۋمىزدىڭ ارا قاتىناسىمىزعا ەشقانداي اىسەر ەتپەيدى. ەڭ باستىسى، سىيلاستىق جانە ءبىر-بىرىمىزگە دەر كەزىندە جول بەرۋ.

Қазаққа келін болған орыс қызы: Қазақтың келіні болған шынымен де, керемет екен (фото)

ونىڭ ايتۋىنشا، قازاقتىڭ كەلىنى بولعان - كەرەمەت، ەڭ باستىسى، اعايىن-تۋىستىڭ كوپتىگى.

Қазаққа келін болған орыс қызы: Қазақтың келіні болған шынымен де, керемет екен (фото)

«قازاقتىڭ كەلىنى بولعان شىنىمەن دە، كەرەمەت ەكەن. مەن بارلىق سالت-داستۇرلەردى مويىندايمىن، قولدايمىن. ال بارىنەن بۇرىن، تۋىستاردىڭ كوپ بولعانى جاقسى ەكەن. مەن دوستارىما «جەتىم بولىپ ەدىم، قازاققا كۇيەۋگە شىعىپ، جارتى قالا مەنىڭ تۋىسىم بولىپ شىقتى»، - دەيمىن. ارالاس نەكەنى سوگەتىندەرگە ايتارىم، جامان ۇلت بولمايدى، جامان ادام بولادى دەر ەدىم»، - دەيدى ناتاليا كاسيموۆا.

جۋرناليست: التىن نىگمانوۆا

فوتو ناتاليا كاسيموۆانىڭ مۇراعاتىنان الىندى

سوڭعى جاڭالىقتار