قازاقستاندا تەمەكى باعاسى قىمباتتادى

«قازاقستان رەسپۋبليكاسىنىڭ 2007-جىلعى 4- ساۋىردەگى «فيلترلى تەمەكىنىڭ بولشەك ساۋداداعى مينيمالدى باعاسىن بەكىتۋ تۋرالى» قاۋلىسىنا سايكەس، 2017-جىلدىڭ 1- قاڭتارىنان باستاپ، ءبىر قوراپ تەمەكەنىڭ بولشەك ساۋداداعى باعاسى 300 تەڭگە بولىپ بەكىتىلدى. باعانى قارجى مينيسترلىگى بەكىتتى»، - دەپ حابارلادى قازاقپارات ءتىلشىسىنىڭ رەسمي ساۋالىنا جاۋاپ بەرگەن ۇلتتىق ەكونوميكا مينيسترلىگىنىڭ باسپا ءسوز قىزمەتى.
تەمەكى باعاسىنىڭ بولشەك ساۋداداعى مينيمالدى باعاسىن ارتتىرۋ تەمەكى مەن الكوگول سانىن ازايتۋعا باعىتتالعان، دەپ حابارلادى باسپا ءسوز قىزمەتى.
سونداي-اق، ەندى 2017-جىلى تەمەكى ونىمدەرىندەگى اكتسيز باعاسى 1000 داناسى ءۇشىن 6200 تەڭگە كولەمىندە بەكىتىلسە، 2018-جىلى بۇل باعا 7500 تەڭگەگە، 2019-جىلى 8700 تەڭگەگە قىمباتتايدى دەپ بولجانىپ وتىر.
ۇلتتىق ەكونوميكا مينيسترلىگىنىڭ ماماندارى اتاپ وتكەندەي، اكسيز دەڭگەيىن ازايتۋ ارقىلى قازاقستان مەن رەسەيدەگى باعانى تەڭەستىرىپ، قىرعىز رەسپۋبليكاسى مەن قازاقستان اراسىنداعى تەپە-تەڭدىكتى ساقتاۋعا بولادى.
«الەمدەگى تاجىريبە كورسەتىپ وتىرعانداي، اكسيز باعاسىن كۇرت قىمباتتاتۋ كونتراباندالىق ارەكەتتەردىڭ كوپتەپ ورىن الۋىنا اكەپ سوقتىرۋى مۇمكىن. مىسالى، تۇركيا مەن رۋمىنيادا اكسيز باعاسى بىردەن قىمباتتاعان كەزدە، 3 اي ىشىندە تۇركياداعى زاڭسىز تەمەكى ساۋداسى 4,8 پايىزدان 12,7 پايىزعا قىمباتتاپ كەتكەن»، - دەپ حابارلادى مينيسترلىك.
اۆتور: كەنجەكەي توقتامۇرات قىزى