رەسەيلىك ساراپشى نازاربايەۆتىڭ ب ۇ ۇ ق ك الاڭىنداعى جولداۋىن جوعارى باعالادى

استانا. قازاقپارات - قازاقستان پرەزيدەنتى نۇرسۇلتان نازاربايەۆتىڭ ب ۇ ۇ قاۋىپسىزدىك كەڭەسى پىكىرسايىستارىندا جاريا ەتىلگەن ساياسي جولداۋىنداعى بارىنشا قىزىقتى ۇسىنىستاردىڭ ءبىرى انتيتەرروريستىك وپەراتسيالار جۇرگىزۋگە استانا كودەكسىن ازىرلەۋ يدەياسى بولدى.
None
None

مۇنداي پىكىردى قازاقپاراتتىڭ ماسكەۋدەگى ارناۋلى ءتىلشىسى مەدەت احمەتوۆكە م م ۋ اقپاراتتىق-ساراپتامالىق ورتالىعى بالتىق ەلدەرى ءبولىمىنىڭ جەتەكشىسى سەرگەي رەكەدا ءبىلدىردى، دەپ حابارلايدى قازاقپارات.

ساراپشىنىڭ پىكىرىنشە، استانا كودەكسىن قابىلداپ، جۇزەگە اسىرۋ تەرروريستىك قاۋىپتەن قورعانىستى قامتاماسىز ەتەدى جانە ادام قۇقىقتارى نورمالارىنا ساي كەلەدى.

«قازاقستان پرەزيدەنتىنىڭ «قاۋىپسىز، ءادىل جانە گۇلدەنگەن الەم قۇرۋ ءۇشىن جاھاندىق ارىپتەستىكتى نىعايتۋعا قازاقستاندىق تۇجىرىمدامالىق كوزقاراس» اتتى ساياسي جولداۋى «ۇيلەسىمدى» ءسوزىن بارىنشا ناقتى سيپاتتايدى. ويتكەنى، وندا قازاقستاننىڭ تىكەلەي ءوزىنىڭ مۇددەسى، سونىمەن بىرگە تولىقتاي العاندا حالىقارالىق قاۋىپسىزدىك مۇددەسى ناقتى كورىنىس تاپقان»، - دەدى ساراپشى.

ونىڭ ايتۋىنشا، ساياسي جولداۋدا ورتاازيالىق ءوڭىردىڭ ىشكى قاۋىپسىزدىگىنە جانە قازاقستان باسشىلىعى ۇنەمى ىلگەرىلەتىپ وتىرعان يادرولىق قاۋىپسىزدىك ماسەلەسىنە باسا نازار اۋدارىلعان.

«ارينە، كۇنتارتىبىندەگى انتيتەرروريستىك ماسەلەگە باسا نازار اۋدارىلعان. ويتكەنى، ءبىزدىڭ بارلىعىمىز دا مۇنىڭ حالىقارالىق قاۋىپسىزدىكتىڭ نەگىزگى «قامشىسى» ەكەندىگىن بىلەمىز»، - دەدى رەكەدا.

ونىڭ پايىمىنشا، انتيتەرروريستىك وپەراتسيالار جۇرگىزۋگە استانا كودەكسىن ازىرلەۋ يدەياسى - قازاقستان باسشىسىنىڭ بارىنشا قىزىقتى ۇسىنىسى.

«داستۇرلى اسكەري ءىس-قيمىلدارعا قاتىستى بىزدە ولاردى رەتتەيتىن ەرەجەلەر مەن نورمالار، قۇجاتتار كوپ. ال ءدال وسى تەرروريستىك قاۋىپتىڭ بارىنشا وزەكتى ەكەنىن ەسكەرسەك، مۇنداي نورمالاردىڭ جوقتىعى الاڭداتادى»، - دەدى ول.

اۆتور: مارلان جيەمباي

سوڭعى جاڭالىقتار