09:02, 12 - قاڭتار 2017 | GMT +5
نيۋ-يورك گۋبەرناتورى مىنگەن تىكۇشاق اپاتتى جاعدايدا قوندى
استانا. قازاقپارات - نيۋ-يورك شتاتىنىڭ گۋبەرناتورى مەن ونىڭ كومەكشىلەرى بار تىكۇشاق سارسەنبى كۇنى ورانج وكرۋگىندە اپاتتى جاعدايدا قونۋعا ءماجبۇر بولدى.

ۇشقىشقا تىكۇشاقتى ستيۋارت اۋەجايىنا قوندىرا الۋدىڭ ءساتى ءتۇستى. ەشكىم زارداپ شەككەن جوق، دەپ حابارلايدى BBC تەلەكومپانياسى.
ولاردىڭ دەرەگىنە سۇيەنسەك، كۋاگەرلەر تىكۇشاقتىڭ قويۋ تۇتىنگە ورانىپ، قونعانىن كورگەن. وقيعانىڭ ءمان-جايى ايتىلماي وتىر.
كۋومو كومەكشىلەرىمەن بىرگە شتاتتىڭ استاناسى ولباني قالاسىنان قايتىپ كەلە جاتقان. سارسەنبى كۇنى گۋبەرناتور شتاتتىڭ زاڭنامالىق اسسامبلەيا مۇشەلەرىنىڭ الدىندا باعدارلامالىق ءسوز سويلەگەن ەدى.