قازاقستاندا قارجى جىمقىردى دەپ ايىپ تاعىلعان تانىمال تۇلعالار كىمدەر؟

استانا. قازاقپارات - جۇرت سوڭعى ون ەكى ايدا «اقشا جەدى» دەگەن اتقامىنەرلەردىڭ جاعالاي قاماۋعا الىنىپ جاتقانىنىڭ كۋاسى بولىپ كەلەدى.
None
None

NUR. KZ پورتالى پارامەن ۇستالىپ، قارجى جىمقىردى دەپ ايىپ تاعىلعان ەلىمىزدىڭ بەلگىلى تۇلعالارىن نازارلارىڭىزعا ۇسىنادى.

قۋاندىق بيشىمبايەۆ - ۇلتتىق ەكونوميكا ەكس-ءمينيسترى

Қазақстанда қаржы жымқырды деп айып тағылған танымал тұлғалар кімдер?

جەلتوقساننىڭ سوڭىندا بيشىمبايەۆ ۇلتتىق ەكونوميكا ءمينيسترى قىزمەتىنەن بوساتىلدى. اقوردانىڭ باسپا ءسوز قىزمەتى ۇلتتىق ەكونوميكا ءمينيسترى قۋاندىق بيشىمبايەۆتىڭ ورىنىنان كەتۋىن «بايتەرەك» حولدينگىندەگى قىزمەتىنە قاتىستى ماسەلەلەردىڭ تۋىنداۋىنا بايلانىستى دەپ ءتۇسىندىردى. ال، 10- قاڭتاردا قۋاندىق بيشىمبايەۆ قاماۋعا الىندى. بيشىمبايەۆ اسا ءىرى كولەمدە بىرنەشە رەت توپ بولىپ الدىن الا كەلىسىم جاساۋ ارقىلى پارا العانى ءۇشىن ۇستالدى. زاڭسىز الىنعان قاراجاتتى بيشىمبايەۆ ءوز قاجەتىنە جۇمساپ وتىرعان. قىلمىستىق كودەكسكە سايكەس، بيشىمبايەۆ استانا قالاسى ءى ءى د ۋاقىتشا وقشاۋلاعىشىنا قامالعان بولاتىن. قازىرگى تاڭدا سوتالدى تەرگەۋ جۇرگىزىلۋدە.

رۋسلان ەردەنايەۆ  - ءبىرىڭعاي جيناقتاۋشى زەينەتاقى قورىنىڭ باسقارما ءتوراعاسى

Қазақстанда қаржы жымқырды деп айып тағылған танымал тұлғалар кімдер?

ءبىرىڭعاي جيناقتاۋشى زەينەتاقى قورىنىڭ باسقارما ءتوراعاسى رۋسلان ەردەنايەۆ وزگەنىڭ مۇلكىن زاڭسىز يەلەنىپ، ءوز قاجەتىنە جۇمسادى دەپ كۇدىكتەلۋدە. كۇدىككە ىلىككەندەر ەكى ايعا قاماۋعا الىندى. ودان بولەك، «ب ز ج ق» قارجى تاۋەكەلى باسقارماسىنىڭ باسشىسى م. بازتوۆقا، «الاتاۋ مۇناي التىن» اق قاداعالاۋ كەڭەسىنىڭ ءتوراعاسى ب. كەنجەبايەۆقا، «بۋزگۋل اۋرۋم» ج ش س ديرەكتورى ا. نايزاعارينعا بۇلتارتپاۋ شارالارى قولدانىلدى.

ساقتاش حاسەنوۆ - اۋىل شارۋاشىلىعى مينيسترلىگى ۆەتەرينارلىق باقىلاۋ كوميتەتىنىڭ ەكس-ءتوراعاسى

Қазақстанда қаржы жымқырды деп айып тағылған танымал тұлғалар кімдер?

ۆەتەرينارلىق باقىلاۋ كوميتەتىنىڭ ءتوراعاسى كاسىپكەردەن 5 ميلليون تەڭگە پارا الىپ جاتقان جەرىندە قولعا تۇسكەن بولاتىن. ساقتاش حاسەنوۆ قازاقستانعا كىرگىزىلەتىن ەتتىڭ ءار كەلىسى ءۇشىن بيزنەسمەندەردەن اقشا الىپ كەلگەن ەكەن. ءسويتىپ، كوميتەت ءتوراعاسى سىبايلاسىمەن بىرگە 8 اي ىشىندە قالتاسىن 37 ميلليون تەڭگەگە قامپايتىپ ۇلگەرگەن.

سەيتقازى ماتايەۆ - قازاقستان جۋرناليستەر وداعىنىڭ بۇرىنعى باسشىسى

Қазақстанда қаржы жымқырды деп айып тағылған танымал тұлғалар кімдер?

3- قازاندا قازاقستان جۋرناليستەر وداعىنىڭ ءتوراعاسى، ۇلتتىق باسپا ءسوز كلۋبىنىڭ جەتەكشىسى سەيىتقازى ماتايەۆتى «قارجى جىمقىردى» جانە سالىقتان جالتاردى» دەگەن ايىپتارمەن التى جىلعا سوتتادى.

ال قازتاگ اگەنتتىگىنىڭ ديرەكتورى اسەت ماتايەۆ «قارجى جىمقىردى» دەگەن ايىپپەن بەس جىلعا باس بوستاندىعىنان ايىردى. ۇكىم بويىنشا ماتايەۆتار اقپارات جانە كوممۋنيكاتسيا مينيسترلىگىنە - 169 ميلليون تەڭگە، «قازاق تەلەكوم» كومپانياسىنا 140 ميلليون تەڭگە قايتارۋى ءتيىس. بۇدان وزگە، ۇكىمدە ماتايەۆتاردىڭ جىلجىمايتىن مۇلىكتەرى (بىرنەشە پاتەر مەن جەر تەلىمدەرى)، ونىڭ ىشىندە ۇلتتىق باسپا ءسوز كلۋبى مەن بىرنەشە كولىكتەرى تاركىلەنەتىنى ايتىلدى. اكەسى مەن ۇلى وزدەرىنە تاعىلعان ايىپتى مويىنداعان جوق. ەۋروپاداعى قاۋىپسىزدىك جانە ىنتىماقتاستىق ۇيىمى (ە ق ى ۇ) اكەلى-بالالى سەيىتقازى جانە اسەت ماتايەۆتارعا شىققان سوت ۇكىمىن ايىپتادى.

ۆاسيلي ني - «قورعاس» حالىقارالىق ورتالىعىنىڭ ەكس-پرەزيدەنتى

Қазақстанда қаржы жымқырды деп айып тағылған танымал тұлғалар кімдер?

«قورعاس» حالىقارالىق ورتالىعىنىڭ پرەزيدەنتى ۆاسيلي ني 1 ميلليون دوللار پارا العان جەرىنەن ۇستالعان بولاتىن. قۇزىرلى ورگانداردىڭ اقپاراتىنا سۇيەنسەك، ۆ. ني «قورعاس» ش ى ح و» ا ق پرەزيدەنتى قىزمەتىندە 2016-جىلدىڭ جاز ايىندا «تيۋلپان حورگوس» ج ش س وكىلىنەن قوناق ءۇي كەشەنى قۇرىلىسىن جەڭىپ الۋ ينۆەستيتسيالىق بايقاۋىندا جەڭىمپاز اتانۋ ءۇشىن 1 ميلليون ا ق ش دوللارى كولەمىندە زاڭسىز «سىياقى» تالاپ ەتكەن. ويىن جۇزەگە اسىرۋ ءۇشىن ۆ. ني قول استىنداعى قىزمەتكەر، ينۆەستورلارمەن جۇمىس ءبولىمىنىڭ باسشىسى ماحاببات سايدۋللايەۆانى قىلمىستىق ىسكە تارتقان. ول ۆ. نيدىڭ پارا الۋىنا كومەكتەسكەن. 20- جەلتوقساندا قىلمىستىق ءىس سوتقا ءتۇستى.

تالعات ەرمەگيايەۆ - «استانا ەكسپو-2017» ۇ ك» اكسيونەرلىك قوعامىنىڭ بۇرىنعى ءتوراعاسى

Қазақстанда қаржы жымқырды деп айып тағылған танымал тұлғалар кімдер?

«استانا ەكسپو-2017» ۇلتتىق كومپانياسىنىڭ بۇرىنعى ءتوراعاسى تالعات ەرمەگيايەۆ 14 جىلعا سوتتالدى. تالعات ەرمەگيايەۆ جازاسىن قاتاڭ رەجيمدەگى كولونيادا وتەيدى. ول ۇلتتىق كومپانيا باسشىلىعى مىندەتىن اتقارىپ ءجۇرىپ، ۇيىمداسقان جەمقورلىق ارەكەتتەرىنە بارعانى ءۇشىن ۇستالعان. «ەرمەگيايەۆ ىسىنە» قاتىسى بار قاجىمۇرات ۇسەنوۆ 2 جىلعا باس بوستاندىعىنان ايىرىلدى. سوت بارىسىندا ەرمەگيايەۆ ءوز كىناسىن مويىنداعان جوق.

سوڭعى جاڭالىقتار