الماتى وبلىسىندا توسەگىندە جاتىپ تەمەكى شەككەن تۇرعىن اجال قۇشتى - فوتو

مامانداردىڭ ايتۋىنشا، ورتكە توسەكتە جاتىپ تەمەكى شەگۋ سەبەپ بولعان، دەپ حابارلايدى قازاقپارات ءتىلشىسى الماتى وبلىستىق توتەنشە جاعدايلار دەپارتامەنتىنە سىلتەمە جاساپ.
ەسىك قالاسىنداعى №6 -ورتكە قارسى كۇرەس ءبولىمىنىڭ بايلانىس پۋنكىتىنە تۇرعىن ءۇيدىڭ وتقا ورانعانى تۋرالى حابار ساعات 09-00 دە تۇسكەن. ءورت سوندىرۋشىلەر ءتىلسىز جاۋ جايلاعان ورىنعا ۋاقىتىندا جەتىپ، ءورتتى دەر كەزىندە اۋىزدىقتادى.
«وقيعا ورنىنان ءۇيدىڭ يەسى 1951 -جىلى تۋعان ەر ادامنىڭ ءمايىتى تابىلدى. تۇرعىن ءۇيدى قاراۋ بارىسىندا ءورتتىڭ ءۇي يەسى جاتقان توسەكتەن باستالعانى انىقتالعان»، - دەلىنگەن باسپا ءسوز بايانىندا.
ايتا كەتەرلىگى، تەكسەرۋلەر بارىسىندا ءۇي يەسىنىڭ پليەۆريتپەن ناۋقاستاناتىنى، ۇزاق ۋاقىت بويى توسەكتە جاتاتىنى دا بەلگىلى بولدى.
«الدىن الا قورىتىندىلار بويىنشا ءورتتىڭ شىعۋىنا توسەكتە جاتىپ تەمەكى شەگۋ سەبەپ بولۋى مۇمكىن. دەگەنمەن، وقيعا ورنىندا قازىرگى كۇنى ەڭبەكشى قازاق اۋدانى ءى ءى ب جەدەل تەرگەۋ توبى جۇمىس ىستەۋدە»، - دەلىنگەن باسپا ءسوز بايانىندا.
وسىعان بايلانىستى، ورتكە قارسى قىزمەت توسەكتە تەمەكى شەگۋ - ءورت قاۋىپسىزدىگى ەرەجەسىن ورەسكەل بۇزۋعا جاتاتىنىن، ونىڭ ادام ءومىرى ءۇشىن اسا قاۋىپتى ەكەنىن ەسكە سالادى.
اۆتور: سامال قابىشەۆا