قانات يسلام - ساۋل الۆارەس جەكپە-جەگى جايلى ماماندار پىكىرى ەكىگە جارىلدى

استانا. قازاقپارات - رەسەيلىك بوكس ساراپشىسى الەكساندر بەلەنكيي قازاقستاندىق قانات يسلام مەن مەكسيكالىق ساۋل «كانەلو» الۆارەستىڭ اراسىندا جەكپە-جەك ءوتۋى مۇمكىن دەگەن قاۋەسەتتى وسەك-اياڭ دەپ اتادى.
None
None

ونىڭ Vesti.kz باسىلىمىنا بەرگەن سۇحباتىنا قاراعاندا، امەريكالىقتاردى قانات يسلام قىزىقتىرمايدى.

«بۇگىندە بۇل تۋرالى كوپ مالىمەت ايتا المايسىڭ. سوندىقتان دا قىسقاشا عانا ايتايىن. مەنىڭشە، بۇل وسەك-اياڭ. ساۋل الۆارەسكە ا ق ش- تا ەشكىم تانىمايتىن قارسىلاس كەرەك ەمەس. راسىندا دا بۇل جەكپە-جەك كۇمان كەلتىرەدى»، - دەدى رەسەيلىك الەكساندر بەلەنكي.

ال قازاقستاندىق بەلگىلى پروموۋتەر، ق ر كاسىپقوي بوكس فەدەراتسياسى پرەزيدەنتىنىڭ شتاتتان تىس كەڭەسشىسى بولات مانكەنوۆ Vesti.kz باسىلىمىنا بەرگەن سۇحباتىندا مەكسيكالىق ساۋل "كانەلو" الۆارەستىڭ قازاقستاندىق بوكسشى قانات يسلاممەن جەكپە-جەك وتكىزۋى مۇمكىن دەگەن قاۋەسەتكە قاتىستى پىكىرىن ءبىلدىردى.

«مەن قاۋەسەتتەرگە مۇلدە سەنبەيمىن. مەن بۇل جەكپە-جەكتىڭ وتەتىنىنە قاتتى كۇماندانامىن. بارلىعى قارجى ماسەلەسىنە تىرەلىپ تۇر. ەگەر دە قانات يسلامنىڭ كومانداسى جەتكىلىكتى قاراجات تاپسا، الۆارەس بىردەن كەلىسەدى. كاسىپقوي بوكس - ول بيزنەس»، - دەدى بولات مانكەنوۆ.

سونداي-اق، قازاقستاندىق پروموۋتەر جەكپە-جەك وتەتىن جاعدايدا كىمنىڭ جەڭىسكە جەتۋگە مۇمكىندىگى جوعارى ەكەنىن ايتتى. ونىڭ ايتۋىنشا، قاناتتىڭ تاجىريبەسى مول. «مەنىڭ ويىمشا، جەكپە-جەك قىزىقتى وتەر ەدى. بوكسشىلاردىڭ جەڭىسكە جەتۋ مۇمكىندىگى 50 دە 50»، - دەدى مانكەنوۆ.

ەسكە سالايىق، كەشە Fightnews.com باسىلىمى الۆارەس - يسلام جەكپە-جەگى ءوتۋى مۇمكىن دەگەن قاۋەسەتتىڭ تاراعانىن حابارلاعان. سول قاۋەسەتكە سەنسەك، الۆارەس - يسلام جەكپە- جەك 6 -مامىردا وتەدى دەلىنەدى. وسىدان كەيىن رەسەيلىك بەلگىلى كوممەنتاتور گريگوريي ستانگريت مامىر ايىندا مەكسيكالىق ساۋل «كانەلو» الۆارەس قازاقستاندىق بوكسشى قانات يسلاممەن جەكپە-جەك وتكىزۋى مۇمكىن دەگەن قاۋەسەتكە قاتىستى پىكىر بىلدىرگەن ەدى. «نەلىكتەن ءوتۋى مۇمكىن ەمەس؟ مۇنداي جەكپە-جەكتە ءبارى دە بولۋى مۇمكىن. ءبىراق، ارينە، كۇتە تۇرعان ابزال. بۇل چاۆەستىڭ (حۋليو سەزار چاۆەس - مەكسيكالىق بوكسشى) كومانداسىنىڭ الۆارەسكە ءتۇسىرىپ وتىرعان قىسىمى دا شىعار»، - دەپ اتاپ ءوتتى ستانگريت.

سوڭعى جاڭالىقتار